Pu C. Rodingluaia, Sr.Lecturer BHSS chu Lungna(heart problem) avangin January 30, 2017 (Thawhtan) zing dar 11:20- khan Ropuina ramah min haw san ta. Vawiin, Juanuary 31, 2017 (thawhlehni)- chhun dar 12:00-ah amah thlahna programme, a chenna In, Serkawn Ramzotlang-ah neih a ni ang a, Serkawn thlanmualah vui liam a ni ang.

C.Rodingluaia hi Pu C.Thangzuala (L) fa 7 zinga a upa ber dawttu niin, April 25, 1958 khan a piang a. Thiamna lamah MA (Economics), B.Ed a ni. M.A a chhuah hnu hian Sorkar Office leh High School hrang hrangah te a thawk a. Christian High School, Serkawn chu Higher Secondary School a hlankai (Upgrade)a nih khan zirtirtu lak hmasak ber zingah telin July 1, 1996 khan he hna hi a zawm a. Vawiin thlengin BHSS, Serkawnah hian a thawk ta a ni. Pu Dinga hian a nupui Pi Hrangzami Sailo leh a fate pali(mipa vek) a kalsan a ni.

BHSS Zirlai ten Pu Dinga sunna an hmang	BHSS Flag ngur chanve-in tar a ni

Rawngbawlna ngaisang leh tuipui mi a ni a. A lawina Kohhran-ah mi tangkai leh inpezo tak a ni. BMP-ah te inhmangin Sunday School-ah hun rei tak zirtirtu leh O.B a ni a, Kum 2012-ah BCM Ramzotlang-ah Rawngbawltu nihna chelhin a thihni thlengin rawngbawltu rinawm tak a ni a, Tualchhung Kohhran Committee leh a hnuaia Committee peng hrang hrangah member niin mi tangkai tak a ni. Bible Society rawngbawlnaah pawh Tualchhung leh Area huapin mawhphurhna a nei mek bawk.

Mizoram Baptist Kohhran- chuan Rawngbawltu pawimawh tak Pu C. Rodingluaia thihna hi channa nasa takah a ngai a. A rawngbawlna hmun School lama a hnathawh ropui tak te, a lawina Kohhran tana a tangkaina leh a inpekna te hi a chhuang takzet a ni. A kal san a chhungte leh a rawngbawlpui zawng zawng te Lalpa’n thlamuan zel rawh se.

................................................ PU C RODINGLUAIA THLAHNA PROGRAMME A hun : January ni 31, 2017 (Thawhlehni) @12:00 Noon Hruaitu : Upa KL.Rodingliana Vuitu : Rev. CL.Malsawma Bialtu Pastor Thusawi : 1. Kohhran aiawh - Upa C.Vanlalmuana Chairman 2. Chhungkaw aiawh - Pi Hrangzami Sailo 3. BCM aiawh - Rev. R. Zohmingliana, AGS - Service Thlana tawngtai : Upa T.Biaksanga