November 17 (Pathianni) kha ‘Naupangte Ni’ a ni a. Kumin Naupangte Ni thupui chu ‘Naupangte leh Rawnbgawlna” tih a ni. Hemi ni hian tualchhung kohhran tinah naupangte ni thupui hmangin naupangte enkawl leh kaihhruai kawnga nu leh pate mawhphurhna lam thuchah ngaihtlain hun an hmang a, Headquarters atanga Nuapangte Ni a chhiar tur buatsaih chu chhiarchhuakin, naupangte Item hrang hrang hmanga an rawngbawlna te ngaihthlak a ni bawk.
Mizoram Baptist Kohhran hian Naupangte enkawlna leh an tana rawngbawlna hi a ngaipawiamwh hle a. 23th April, 1943-(Easter Sunday)ah Naupangte puala inkhawm hmasa ber chu EM Oliver (Pi Zoduhi) leh Pi Rovi te kaihhruaina-in Serkawnah an nei a, Hemi ni hi KNP din tan Ni atan hman a lo ni ta a ni. Hemi ni atang hian mumal takin naupangte chu an inkhawmpui ta a. Hei hi KNP rawn in tanna chu a ni a, BCM Assembly chuan KNP din ni atan 23th April, 1943 (KNP day) a pawm ta a ni. A tirah chuan KNP hi “Kohhran naupang pawl” tiin an sawi thin. Tunah chuan Kristian Naupang Pawl (KNP) tih a lo ni ta a ni. Sunday School Department leh BKHP te enkawlna-inkum engemawchen kalpui a ni a, kum 2001 BCM Assembly chuan KNP chu Fellowship Department hnuaiah dah-in vawiin thlengin Fellowship Department hnuaiah awmin, HEadquarters ah pawh KNP Promoter enkawlna-in an lo awm ta a ni.
BCM Assembly 2015 rorelna chuan kum tin ‘Naupang te Ni hi hman thin ni rawh se’ ti-a a rel bawhzuiin, Assembly Executive Committee 2015 (August) chuan – November Pathianni hnuhnung ber hi Naupangte Ni atan hman turin a rel veleh ta a. Kum 2016 atang khan kum tin November Pathianni vawi thumna chu ‘Naupangte Ni’ atan hman a lo ni ta a ni.
Realted Topic:
