Mission Field thu thar kan hriat theih te:
#Arunachal West Field
# June 30, 2023(Zirtawpni) tlai khan Apatani Baptist Association Music Department huaihawtin Contemporary Music Fest neih a ni a. Thalai, naupang, nu leh pa an kalkhawm tha hle.
# June 30 tho hian Apatani Baptist Association, Itanagar (Capital) Pastor Bial hruaitute leh Tualchhung Kohhran hruaituten, an Bialtu Pastor hoin Field Director awm thar te chhungkua an tlawh a, Capital Pastor Bial chhunga rawngbawlho dan tur te sawiho a ni.
#Arunachal East Field
#Galo khua Chekor Lombi hmun a Puanthui Zirna kalpui mek chu June 30, 2023 khan Graduation neiin Puanṭhui zir chhuak mi 6 te Certificate hlanna leh thlahna neih a ni. Galo Baptist Union, AGS Mr. Biken Ame chu khuallian niin, BCM Missionary Pu C. Pachhunga leh GBU Women Dept Hruaitu ten an tel pui bawk.
#July ni 2 khan Galo Baptist Union, Mission school zirtirtute chuan Pathianthu hrila hmun kilkhawr zawka kalchhuaka rawngbawlna (Outreach Programme) hmang in Botak Kayi khua an tlawh a, rawngbawlna tha takin an nei.
#Arakan Field.
#June 26 khan Khamaungdaw khuaah ringthar 6 an nei a, heng mi te nen hian kumin chhungin ringthar Baptisma chang 30 an awm tawh a ni.
#Upper Assam Field
July 2 (Pathianni) khan Sivasaghar Baptist Association te nena kan thawhhona area ah ringthar sakhaw dang atanga rawn lut mi 10 an nei. July 3-9 chhung hian Sivasagar Area ah hian mission week hman a ni a, Khawlaia kalpaha tawngtaina hun (Prayer Walk) hmangin bul an tan a, a remchan ang-in Bible tract sem te, vantlang hna thawh te, Tlai lamah Mual inkhawm te, Home visit, tawngtai rual te, inkhawm te an nei bawk.
#Sikkim Field
Baptist Church of Sikkim, Children's Meet hmasa ber chu June 30 atanga July 2 chhung khan BCS Majua-ah neih a ni a, mi 30 an kalkhawm. Missionary Nl. R. Lalramsangi leh Martha Gurung te Speaker an ni a, thupui atan "Pathian thuawih" tih hman a ni a. Zirtirna hrang hrang pek an nih bak ah Inelna leh intihhlimna hun hman a ni bawk.
#MP & MH FIELD
July 3 , 2023 khan Field chhung thawktu te kal khawmin infuih tharna hun hman ani a, Station hrang hrang a rawngbawl dan report te ngaihthlak ani bawk.
#Assam Field
July 2-3, 2023 chhung khan Rabha Area W.Bengal lamah Kohhran tlawh Programme siamin Missionary hote in thendarhin hun an hmang.
#Bengal Field:
June thla chawlhkar tawp hmang in Baptist Church of North Bengal hnuaia Kohhran ten Christian Family week an hmang a.
#Arunachal Far East Field.
June 27 khan Missionary ten Work Camp-a an sak a ram mi thawktu (evangelist) awmna tur quarters sak thar Pathian hnena hlanna neih a ni a. He quarters sakna tur atan hian BCM Khuanghlum in Cheng sing 5 thawhin a vaia senso hi cheng nuai khatsang kua zasarih sawm ruk a ni.
#ZOChachhuah.
July 2, Pathianni khan Rakhain hnam zinga rawngbawlna Zochachhuah ah ringthar mi 6 lawmluh an ni a, heng ringthar te hi Rev.H. Lalthlamuana, ES Lawngtlaiin a lawmlut a, heti hian a hma a Rakhain leh Bru hnam ringthar lo lut te nen Zochachhuah ah hian ringthar 62 an awm ta a, tun dinhmunah Biak in la nei lovin, Missionary Quarters ah an inkhawm thin a, Biak In an mamawh tawh hle a ni.
Mission Department Working Committee neih a ni.
July 6, 2023, Ningani khan Sap Upa leh Pu Buanga Hall, Serkawn ah Mission Department Working Committee neih a ni a, Meeting hi President-Elect Rev.F.Ramdinmawia’n kaihruai in Assembly 2023-in a rel leh Mission Board in a rel thu thenkhat unzui dan tur ruahmanna te thlirho a ni a. Thu ngaihtuah zing ah hian Kumin Assembly in alo passed tawh Arunachal Prsdesh Wangcho hnam te zinga rawngbawl dan tur ruahmanna leh hmalak dan tur te ngaihtuah a nih bak ah, Missionary thenkhat an rawngbawlna in a mamawh zirtirtu training dan tur ruahmanna te siam a ni.
Mission Convention hmun hrang hrangah neih a ni.
Tunkar liam ta Zirtawpni atanga Pathianni (June ni 30 leh July ni 2 inkar) khan Pastor Bial leh Tualchhung kohhran hrang hrang ah hetiang hian Mission Convention neih a ni.
#Serkawn Kohhran. Rev.Dr.R.Lalthanmawia, AGS-Mission Speaker-a hmangin June 30-July 2 chhung khan ‘Mi tir ta che” tih thupui hmangin Mission Convention an hmang a. Speaker thuchah bakah Kohhran zaipawl, Bial Zaipawl, Baptist Masihi Zaipawl, Unit BMP leh BKHP Zaipawl te bakah mimal zaithiam ten zaia rawngbawlna an nei thin a. JBS-a Missionary Training mek Pu K. Lalramengzauva leh Mary Lalduhawmi te hnen atangin Sharing ngaihthlak a ni bawk.
#Electricveng Kohhran, Lunglei. Rev. R. Lalnunzira, AGS – Service Speaker-a hmangin Mission Convention an nei a. Thupui “Chanchin Tha hi Hril rawh u” tih hmangin thuchah ngaihthlak thin a ni a. Pathianni chawhnu-ah Fellowship nei in hetah hian BCM Mission rawngbawlna a kalpui dan tlangpui zirho a nih bak ah Mission Field thenkhat report ngaihthlak a ni. Convention chhung hian Nl. MC Laldingliani, Volunteer Missionary Tripura, Kohhran zaipawl, Mimal zaithiam, BMP, BKHP leh KNP ten zaia rawngbawlna an nei thin bawk
#Bawngkawn Pastor Bial. Rev. Lalremsiama Ralte, Mission Director, Speaker-a hmangin BCM Biak in, Bawngkawn Brigade ah Mission Convention neih a ni a. Thupui-ah II Kor 5:20 ‘Krista aia palai” tih hman a ni. Speaker thuchah bakah hian Kohhran tin atangin Zaipawl leh zaithiam Tv. R. Lalhmingmawia leh Nl. KC Vanlalzami ten zaia rawngbawlna an nei thin a, tualchhung Kohhran hrang hrang te Mission report ngaihthlak thin a ni bawk. Pathianni chawhnu-ah Fellowship nei in Mission Field hrang hrang dinhmun leh reoport te thlirho a ni bawk.
#Theiriat Venglai Kohhran. Rev. Vanlalmuankima, Director Pastoral Dept Speaker-a hmangin Mission Convention hi an nei. Inrinni zan, Pathianni zing leh Pathianni zanah te Vantlang inkhawm neiin, Convention chhung hian Speaker thuchah bakah Kohhran zaipawl, Mimal zaithiam te leh Unit BMP, BKHP leh KNP ten zaia rawngbawlna an nei thin bawk
#Farmveng Kohhran. Rev. F. Sangvela Speaker-a hmangin Mission Convention hi an nei a. Kohhran Inkhawm hunah hian Sermon leh Sharing te ngaihthlak thin a ni a, Pathianni chawhnu-ah Inpawlhona neiin Field report te ngaihthlak a ni a, zawhna leh chhanna hun te hman a ni bawk.
#Aizawl Central Pastor Bial. ‘Lo chu khawvel hi a ni’ (mathaia 13:38) tih thupuia hmangin BCM Biak In, Central Church, Aizawl-ah Mission Convention an nei a, Speaker-ah Rev. K. Lalnunsanga Bialtu Pastor an hmang. Convention chhung hian Thalai Pual hun te siamin, Speaker thuchah bakah Kohhran zaipawl hrang hrang leh malzai ngaihnawm tak tak ngaihthlak thin a ni a, Pathiani chawhnu-ah Mission pual inpawlhona hun neih a ni bawk.
#Zotlang North Kohhran Lunglei. Rev. L. Vanlalsanga, Director, Education Dept. Speaker-a hmangin Mission Convention an nei a. Thupui I Samuela 6:10 thu – “Bu chung zelin”… tih hmangin thuchah ngaihnawm tak ngaihthlak thin a ni. Fellowship Department hrang hrang Zaipawl te, Kohhran Zaipawl ten inkhawm apiangin zaia rawngbawlna an nei a, Pathianni chawhnu-ah Mission pual inpawlhona neih a ni bawk.
#Lunglawn Kohhran. Chanchin Tha puan darhna lama hmasawnna tura inkaihhruaina programme ‘Mission Drive’ hun an hmang a, Speaker-ah Pu T. Nghaksanga, Mission Promoter an hmang. Inrinni zan, Pathianni zing leh Pathiani zan-ah te Sermon inkhawm neiin Pathianni chawhnu-ah Mission pual inpawlhona neih a ni a. Zawhna leh chhanna hun te hmangin Mission awngbawlnaa hmasawnna tur te sawihona neih a ni bawk.
#Zohnuai Kohhran. Missionary Furlough hmang mek Nl. F. Lalsawmlianai, Assam Field Speaker-a hmangin Mission Convention an nei a. Zirtawp zan atangin Kohhran Inkhawm hunah Sermon leh Sharing te ngaihthlak thin a ni a, Pathianni chawhnu-ah Inpawlhona neiin Field report te ngaihthlak a ni a, zawhna leh chhanna hun te hman a ni bawk.
Missionary Furlough Programme Hmang Tur Te:
#Pu David Lalrengpuia, Arunachal East field July 8, 2003 atangin a furlogh hun hi a hmang tan ang a, Hauruang Pastor Bial, Bazar Pastor Bial, Hnahthial leh Champhai Pastor Bial ah te hun a hmang ang.
#Pu C. Lalramnghaka, Upper Assam Field- July ni 8, 2023 atangin Furlogh hun hi a hmang tan ang a, Lunglawn Bial, Bungtlang South Bial leh Bunghmun Pastor Bial ah te hun a hmang ang.
# Lalfakzuala Hrahsel Other Mission ‘F’ (Indonesia)- July 12, 2023 ah furlogh hun hmang tanin Mampui Bial, Aizawl Central Bial leh Shillong Bial ah te hun a hmang ang.
