Missionary pathum ten Furlough Deputation Programme an hmang mek.

BCM Missionary pathum, Pu B. Laltlanzauva leh Pi Lalbiakengi te nupa, W.Bengal Field leh Pu VL Chhuanawma Sailo, Tripura Field-a thawk te chu Furloug Deputation Programme hmangin an lo chuak a, hetiang hian hun an hmang mek.

#Pu B. Laltlanzauva leh Pi Lalbiakengi te nupa, Zoram Baptist Mission School, Birpara, W.Bengal Field a thawk te chuan October 8 – 15 chhung khan Aizawl East Pastor Bial ah hun an hmang a, October 21-29 chhung hian  Thingfal Pastor Bial-ah hun hmang leh in,  December 2-10 ah Lungsen Pastor Bial-ah an hmang leh ang.

# Pu VL Chhuanawma Sailo, Evangelist, Tripura Field-a thawk te chhungkua chu September 20-27 chhung khan  Lawngtlai North Pastor Bialah hun an hmang a, October 25 – 29 chhung hian  Champhai Pastor Bial ah an hmang leh ang a, November 1-8 ah Serte Bialah an Furlough Programme tawpna an hmang ang.

Mission Field thu thar:

Arunachal Far East

#October 13-15 hmang khan  Arunachal Baptist Churches Council,  thalai inkhawmpui vawi rukna Khonsa hmunah neihah DLNBCA Zaipawlte pawh an kal a, Pu K. Lalchhanhima leh Pu K. Lalramsanga ten an kalpui.

#October 14 khan Field chhung circle pahnih Dambuk leh Paglam circle te pual in Bomjir Kohhranah Sunday School meet an nei.

#October 17 khan Bolung Kohhran chuan an Kohhran Golden Jubilee an lawm a. Speaker -ah Rev. Banbo Pertin hman a ni a, Field Director Rev. ZD. Lalrozuala'n Jubilee Hall hlanna a nei thung.

#Arunachal West Field

#October 19-21 hmang khan Nyishi Baptist Church Council (NBCC)-a Native Missionary te pualin Missionary Retreat neih a ni a, Speaker atan Field Director Rev. Aibula Fanai hman a ni. Retreat ah hian Mi 70 an tel.

#October ni 10 khan BCM Theiriat aṭangin mi 5 te, Arunachal Thelogical College, Moinhappa-ah Work Camp nei turin an kal a, BCM Missionary te awmna (Quarter) hnuai luah theih turin an siam sak a ni.

Upper Assam Field

October 15 (Pathianni) khan Mishing area a Gogamuk circle ah Field Director leh missionary ten training an neihpui a, mi 50 vel an tel. United Mishing Baptist Church ah hian Pastor bial 6 a awm a, Pastor bial tin ah Leadership training hi neihpui tura ruahman a ni a, bial hnih ah neih a ni tawh a ni.

Assam Field

#October ni 14 khan Assam field NABC hnuaia thawktu te pualin workers meet neih a ni a. Hetah hian a ram mi Evangelist ten Bible exam an nei nghal bawk. Pathian thu a infuih tharna hun te hmang in,  Evangelist ten chak zawk a rawng an bawl theih nan 'Evangelist Team' din nghal a ni bawk. NABC ah hian Pastor 3 leh a rammi thawktu native worker 6 an awm mek a ni.

Tripura Field

#BCM Ramzotlang kohhran member 23 te chuan October 17-22 chhung khan Nazareth English School Tuidu, Tripura ah work camp an nei a. School building sak mêk tukverh vuah leh ṭul dang apiang thawkin hun an hmang a. Inrinni zan leh Pathianni-ah te Tuidu Kohhran leh a chhehvel-a Kohhran hrang hrangah hun an hmang leh ang.

#Champhai Pastor Bial BKHP member mi 10 te chuan ni October 19-22 hmang hian Field tlawhin hun an  hmang mek a. An cham chhung hian Field a missionary te thawhna hmun hrang hrang an tlawh dawn a ni. Bial BKHP te hi Bialtu Pastor Rev. PC Lalropuia te nupa in  an ṭawiawm a ni.

#ṬKP Kikawn Unit, Lunglei Member 21 te chuan ni 18-22.10.2023 chhung khan Tv F.Lalhlimpuia thawhna Ngavatuidai hmunah hun an hmang. An cham chhung hian School sak, Pulpit siam, crusade leh home visit in hun an hmang.