December 7, 2023 (Ningani) khan BCM Relief & Development Department hnuaia Skill Development Training hrang hranga zir chhuak mi 25 pualin R&D Training Centre, Ramzotlang-ah Graduation Day hman a ni a. Rev. R. Lalnunzira, AGS – Service chu chu khuallian-ah hman a ni.
Programme hi Nl. T. Lalfawnveli, Asst. Coordinator-in a kaihruai a, Rev. L. Vanlalsanga, Director, R&D-in pathian hnena inkawltirna hunserh a hman zawhah Rbt Lalrinawma, Coordinator, R&D-in report tlangpui pe-in, Khuallianin Certificate hlanna leh fuihna thuchah a sawi a, Rev. Dr. Lalzarliana, Director, Communications Dept.-in Malsawm tawngtaina-in hun a khar a ni.
Tun tumah hian Puanthui zir mi 15, Computer Course ah - mi 5 leh Beautician zirlai mi 5 te hnenah Certificate hi pek an ni. Puanthui zir chhuakte hi ke khawl hlan an ni a, a dang zawng hi Certificate bakah hian an eizawnna bul tan nan Rs. 5,000/- pek an ni bawk
Relief & Development Department hian hun rei tak atang khan Youth Skill Development Project neiin Puanthui zirna bakah Canadian Baptist Ministries nena thawhhona-in Thingtlang lama thalai lehkha thiam, eizawnna mumal nei lo te pualin thiam zirna hrang hrang – Computer Course, Beautician, Electric Wiring leh Alluminium Fabrication te zirtir an ni.
