June 25, 2025 ( Nilaini) Chawhnu Dar 1:00 khan BCM Headquater Office Sap Upa leh Pu Buanga hall, Serkawnah Relief & Development Department hnuaia Youth skill Developement Project hnuaiah Ṭhalai te hmasawnna leh ei zawnna neih theihna a tan thiamna chi hrang hrang Puanthui, Beautician, Baking, Alluminium & Steel Fabrication, Computer, hnuaia zir te’n Graduation Day an hmang.
He hun hi Nl. Laldinthari Ralte Field facilitator in a kaihruaia, Rev. RC. Lalthanzama Director, Relief & Development in Pathian hnenah inkawltirna a neih zawhin General Secretary, Rev. Dr. H. Lalthlamuana’n Graduate te an kal leh zelna turah Pathian hre reng chunga tih tak zeta eizawnna kawng an zawh zel theih nan fuihna thu leh hmantlak ni tura theih tawp chhuahpuitu te chungah lawmthu sawina hun a hmang.
Puanthuizir zirlai kal chhuak tur te’n Special Item entir in, Rbt. Lalrinawma Co-ordinator R&D in Technical report tlangpui a pek zawhah Rev. Vanlalmuankima AGS-Service in zirlai kalchhuakte eizawnna bul an ţan theihna tur pawisafai a pek hnuah Rev. K. Lalnunsanga Director, CED in certificate hlanna a nei.
Tailoring Instructress Pi Baby Lalnunkimi’n thusawi tawi neiin Rev. Lalhmunsanga Director Communications Department in malsawmna in a ţin a ni.
Zirlai kal chhuak te
Tailoring – 15
Beautician – 5
Baking -3
Computer – 3
Alluminium & Steel Fabrication -2
an vaiin mi 28 an ni.
