Nimin, February 27,2019 khan Mizoram Baptist Kohhran, Relief & Development Department chuan chhawmdawlna hna thawh chhunzawmin Zobawk leh Lunglawna tunhnai a rial in chenna in a tih chhiat chhungkua te tanpui nan Silpouline a sem a. Kohhran hruaitu te hun hmanpuiin Zobawkah hian 30 sem ni in Lunglawn ah hian 31 sem a ni. Tarlan tawh angin February 25, 2019 khan Samuksuri-a chênna In chhia chhûngkaw 22 te hnênah Rangva a pe a. A dawngtute an lâwm hle a ni. Hêng tanpuina hi BCM Charity Fund, Kohhran leh mi mal inpêkna tlingkhâwm atangin pêk a lo ni tawh a ni. Tuna tuma chhiartawkte tanpuina hi BCM R&D budget a tlem deuh avangin BCM Charity Fund atangin pek a ni.
BCM R&D Department chuan harsatna tawk te an tuarpui takzet thu a sawi bawk. Khuarel chhiatna a thleng kumtin a, hengah hian tanpui ngai te an tam in tanpuina hnathawh pawh a hautak in ruahmanna tha neih pawh a har viau thin a. R&D rawngbawl na hi tawngtaina hre reng turin Kohhran mipuite an chah a ni.
