______________________________
File Picture: Ralvawng-18 April, 2024
Tun hnai a Cyclone tleh avanga Mizoram hmun hrang hranga leimin avanga chhiat tawkte, In leh lo leh nunna chan chhungkua te chu Mizoram Baptist Kohhran, Relief & Development Department chuan chhawmdawlna cheng nuai 2 leh sang hnih (Rs. 202,000/-) a pe chhuak. Chhawmdawlna sum hi Bialtu pastor ten an bial chhunga chhiat tawk te hnenah semin, Bial hrang hrang a chhungkaw 75 leh YMA Branch thenkhat hnenah hnatlang thingpui lumna atan a pek a ni a, Chhiat tawkte dinhmun a zirin tanpuina an pek hi a inang vek lo a ni.
Kuminah hian BCM R&D hian Relief Budget atangin Chhawmdawlna hi cheng nuai 8 dawn a sem ral tawh a, Heng bakah hian BCM Charity Fund leh APB-Aid atanga sum a dawn te pawh a tul angin Raltlante chhawmdawlna atan te, lei min avanga chenna in chan te, kangmei tuar te, thli leh rial avanga chenna in hloh te leh chhiatna lian tham tuarte hnenah a tul angin chhawmdawlna hi a sem chhuak thin bawk.
