#Myanmar atanga raltlante hnenah BCM R&D in tanpuina a pek chhunzawm zel.
Tunkar Thawhtanni atanga Zirtawpni, March 22-25, 2022 chhung khan BCM Relief & Development Department leh Asia Pacific Baptist Aid te thawhhona-in Lunglei chhehvel khaw hrang hrang – Thaizawl, Vanhne, Hauruang, Haulawng leh Phairuangkai-a Myanmar raltlan awm mek te tanpuina pek chhunzawm leh a ni.
Heng raltlante hi Relief Camp-a awmte niin, Eitur chi hrang hrang- Buhfai, Alu, Dal, Chini, Neutrella bakah Silpouline leh an nitin mamawh chawp tur thil dang leh Thlai chi te sem a ni.
R&D Relief Team te hi Director Pu Lalrinawma’n hovin Staff thenkhatin an tawiawm a, an kalna-ah Tualchhung Kohhrante leh Local Relief Committee ten lo dawngsawngin, a tul angin ruahmanna an lo siampui thin a ni.
Food security Program atan Kolasib District chhunga Relief & Development project hnuaia Loneitu Pawl hrang hrang te tan thlai chi sem mek a ni a. Kolasib District chhunga khaw 15 ah te sem a ni.
#North East India, Thalai te Hmasawnna atana Training-ah Relief & Development aiawhin Tv. Reuben Lalhruaizela a tel.
March 22-24, 2022 chhung khan NE India CASA thawhpui te pual in, Guwahati ah, Thalai te hmasawnna tur chungchang in zirtirna, Training neih a ni a, hetah hian Delhi leh Hmundang atangin mithiam zirtirna pe tur lo kalin, BCM Relief & Development Department chu NE India thawhpuite zing ami a nih ang in, thawktu te atangin R & D aiawhin Tv. Reuben Lalhruaizela chu he training-ah hian a tel a ni.
