June 3, 2023 (Inrinni) khan Republic Vengthlang Pastor Bial Worship Committee chuan an Bial chhung kohhran zaipawlten hmasawnna an neih beiseiin, Kohhran Zaipawl intihsiakna an buatsaih a. Chawhma ah Upa Vanmawia hlaphuah ‘Damna tui a luang’ tih hla leh chawhnu lamah anmahni duh ber hmangin inelna neih a ni. Bial chhung Kohhran hrang hrang atangin Zaipawl panga-Bethlehem Vengthlang, Venghlui, Republic Vengthlang, ITI leh Salem Kohhran Zaipawl te an tel thei a ni.
Zaipawl intihsiakah hian endiktu atan Upa PC Lalmalsawma, Pu K Lalremruata(Tetea) leh Pu Vanlalhruaia Pachuau te ruat an ni a. Endiktu te hian chawhma leh chaw hnu intihsiak zawh hnuah Zaipawl te tana hmasawnna tur Comment an pe bawk. Zan inkhawmah hian Intihsiakna lawmman semin, pakhatna hi ITI Kohhran Zaipawl leh pahnihna Venghlui Kohhran Zaipawlte an ni a, a dang zawngin lawmman pathumna an dawng a ni. Pu Vanlalhruaia Pachuau in Pathian fak leh chawimawi kawngah engtinnge hma kan sawn ang? tih thupui hmangin thuchah a sawi a, Thuchah bakah hian Solfa lama tan lak thar a ngaih thu leh Kristian Hlabu ngaihlu thar a, chul nel thar leh turin Kohhran mipuite a chah nghal bawk.
