February 10-18 chhung khan Mizo Christian Fellowship of Malaysia te zing ah rawngbawlna hi neih a ni a, an hun hmanna hi Kualalampur Baptist Church ni in, Chinese Baptist ho biak in a ni. Member hi 250 atanga 300 vel ni in, member lut chhuak hi an awm ve deuh reng a ni. Malaysia mizo baptist te zinga rawngbawla hun hman a nih chhung hian chhun lamah Bible Study vawi hnih zel neih thin a ni a, hetah hian mi 20 atanga 30 regular takin an tel thin a. Zan lamah Pathian biak inkhawm hun hman thin a ni a, hetah hian mi 80 atanga 100 an kalkhawm thin bawk. Bible Study leh Pathian biak inkhawm bak ah hian leadership training leh mission rawngbawlna kawnga hmalak dan tur inrawn hona hun te neih a ni bawk.

Malaysia-a mizo awm te hi Mizoram atanga awm te chu awm ve bawk mahse, a tam zawk hi myanmar lama kan unau te an ni a, hna thawh neia awm vek an nih avangin chhun lam programme ah pawh member tam zawk te an tel thei thin lo a ni. Pathian thu an an tuihalin an zinga rawngbawl a nawm thu leh an in hawn thu AGS report chuan a tarlang a, Kualalampur an awm chhung hian kohhran ho ten an duatin duhsakna hrang hrang an dawn thin thu a tarlang a ni. AGS rawngbawla zin chhuak hi February 21 khan dam takin serkawn alo thleng leh a ni.