June 22-25 chhung khan Rev.R.Lalnunzira, AGS (Service) chuan Farkawn Pastor Bial, Champhai Bial leh Bethel Bial, Champhai te tlawhin a zin a. Hemi chhung hian Farkawn Pastor Quarters hawn bakah Kohhran hrang hrang tlawhin BCM hmalakna te a enpui a ni.
June 23-ah BCM Zokhawthar biakin sak mek te, BES Zokhawthar Building leh Zirtirtute leh zirlai naupang te BCM Venghnuai Zokhawthar Biakin leh Hall sak laite tlawh a, Zokhawthar-ah hian Kohhran 3-na indanna tur Biak In hmun tur leh BES Zokhawthar te tlawhin, Kohhran hruaitute leh Zirtirtute nen inkawmhona neih a ni a. BCM Vemghnuai, Zokhawthar a tlawh nghal bawk.
Champhai lamah BCM Bethani Champhai biak in sak lai enin, tanpuina Relief to Churches Budget aṭangin Biakin cheng nuai 2 a pe nghal a, Baptist Bookroom awm mek extend dan tur ruahman hona neih a ni. BCM Bethel Biakin sak ṭan mek pawh a hmunah enin, Relief to Churches aṭangin nuai 5 pek an ni bawk. Champhai-ah hian a theih ang angin Kohhran hrang hrang a tlawh nghal a, Kohhran hruaitute nen inkawmhona tha tak neih a ni bawk. Champhai bial pahnihte tlawhna ah hian Bialtu Pastorte Rev PC Lalropuia, Rev Vanlalnghaka Jongte, Rev RJ Lalnunpuia leh Pro Pastor MC Vanromawia te'n an ṭawiawm zel a ni.
June 24 (Inrinni) chawhnu dar 1:00 ah Farkawn Bial Pastor Quarters sak thar chu AGS-Service Rev R Lalnunzira, AGS (service) hian a hawng a, Pastor Quarters sak nan hian Headquarters chuan nuai 23 a pe a ni. Farkawn Bial hruaitute nen inkawmhona neiin, Zan inkhawm banah Farkawn Tualchhung Kohhran hruaitute ben inkawmhona neih a ni bawk. June 25 Pathianni zing-ah Farkawn Kohhran-ah thuchah sawiin, zan lamah BCM Thekthe-ah hun a hmang leh bawk.
