October 31, 2022 (Thawhtanni) chawhnu dar 1:00 khan Revival & Evangelism Committee Meeting, Headquarters Office Committee Hall No 1-ah neih a ni a. Committee Chairman Rev. R. Lalbiakliana'n meeting a kaihruai a, Secretary Rev. Vanlalmuankima'n report tlangpui a pe bawk.
Secretary Report chuan Recognised Evengelistic Team zing ami, Krista Thuhriltu Team Speaker Rbt R Malsawma, Siaha chu cancer natna avangin August 15, 2022 khan khawvel a chhuahsan thu te, April 01 - October ni 31, 2022 thlengin Evangelistic team 30 ten kohhran hrang hrang 144-ah Camping leh crusade an nei tawh thu te a tarlang a. Evangelistic Team Recognised thar pali te Orientation neih pui in an rawngbawlna tura tul leh hriat tur pawimawh hrang hrang te hrilhin, rawngbawlna hmun tur pawh ngaihtuah pui an nih thu a tarlang bawk.
Meeting thurel zingah, Recognised Team pathum – Gospel Herald Team, Krista Thuhriltu Team leh Krista Chhiahhlawh Team te recognition tih tawp ni se tih a ni a, Recognised Team Inkaihhruaina en that leh siam thatna chu thlirin pawm a ni a, BCM hruaitu te leh Evangelistic Team speaker te inhmuhkhawmna siam ni se tih te, Evangelistic team te hian KNP te hnenah Ruihhlo leh mipat/hmeichhiatna hman dik loh pawi zia te, Electronic Media hman dan tha inzirtirna kawngah te rawng an bawlna apiangah hma lo la tel thin se tiin ngenna siam ni se tih te an rel bawk.
