October 31, 2023 (Thawhlehni) zan khan Mizoram Ṭhalai Kristian Pawl rorelna in 'Mizoramah tun aia rorelna dik a awm theih nan hma lak ni rawh se' ti a a rel umzuina 'Rorelna Dik Awareness' video clip pathum MTKP in a buatsaih chu BCM Hall, Headquarters Office, Serkawn ah Pathian hnena hlanna leh tlangzarhna neih a ni.
Rev.F.Zorinkhuma, Secretary MṬKP-in inkhawm kaihruaiin, Video clip buatsaihtu te; Rbt. Joseph B. Zirsangzuala, Secretary MṬKP Media Cell; Tv. V. Vanlaltlanhlua, Secretary, TKP Trinity Unit, Zobawk leh Tv. K. Vanlalnghaka, Secretary, TKP Venghlun Unit, Lunglei ten video clip buatsah a nih dan report tlangpui an pe a. Rev.R.Lalbiakliana General Secretary in Video clip tlangzarhna leh Pathian hnena hlanna a nei.
Video clip tlangzarhna inkhawm ah hian Nl.Lalengzuali Renthlei, ṬKP Electric Veng Unit leh Serkawn Pastor Bial Zaipawl ten zaia rawngbawlna an nei a, Upa R.Lalrochama, President MṬKP in lawmthusawina leh tawngtaina hmang in hun tawp a khar a ni.
Rorelna Dik Awareness Video clip tlangzarh tak pathum te hi MTKP Media Cell buatsaih ram hruaitute hriat tur te, TKP Trinity Unit Zobawk buatsaih vote nei thar te hriat tur leh TKP Venghlun Unit buatsaih voters nawlpui te hriat tur te an ni.
