Social Concern Department, Ruihhlo Do Committee chuan Campaigner te hman tur-in Ruihhlo Do Kaihhruaina (Booklet) Pi Lalnunzamai Chawngthu, Project manager, Chhawmdawlna In ziak chu hman theih turin chhut zawh a ni a, Bialtu Pastor te, Social Concern Department-in Campaigner atana a ruat te leh Ruihhlo do Programme hrang hranga Resource person atana ruat ten an mamawh angin Headquarters Office, Serkawn-ah lam theih a ni.
BCM Assembly Executive Committee chuan Ruihhlo do beihpui thlak ni se, Social Concern Department in hma lo la rawh se tiin a rel a, Assembly 20224 chuan pawmin Assembly-ah hian Ruihhlo do beihpui kickoff neiin hma lak tan nghal a ni a. Social Concern Department chuan Ruihhlo do sub.Committee dinin, hma lak dan tur ruahmanna te siamin a duang ta a ni.
Hmalakna tur a chhawpchhuah zingah - Base line survey neih te, Ruihhlo do Sun Day hman te, Campaigners te, Ruihhlo la khawih ve lo te venhimna lam te, Ruihhlo ngawl vei te enkawl (Care & Support) lama hma lak te, Nu leh pate zinga hmalak leh Biak In, School, Chanchinbu leh Social Media hmanga hmalak te, Sokar leh NGO dangte nena thawhho dan tur zawn te an ni a. Heng atana Campaigner leh Resource person atana ruat te kaihhruaina turin he lehkhabu (booklet) hi a siam ta a ni.
