November 27 – December ni 1 chhung khan Serkawn Kohhran te chu Bru Mission-a kan rawngbawlna hmun hrang hrang – Zochachhuah, Hruitezawl leh Ngengpuitlang te tlawhin an kal a. An kalna khuaah te hian Medical Free Clinic neiin, Doctor pathum leh Nurse engmawzat bakah Medical lama thawktu te telin Medical Clinic hi an buaipui a. Damlo te hi an mamawh damdawi te pawh a thlawnin an pe nghal a ni. Serkawn Kohhran feh chhuakte hi mi 29 niin, an zingah hian Pastor pathum, Doctor 3, Nurse 2 leh Health worker 1 an tel a, an ni bakah hian Lawngtlai CMO leh SMO staff 8 laiin an telpui bawk.
November 27 Thawhtan zan-ah Zochachhuah khawlaiah mi kokhawmin Isua Film an enpui a, thawhlehni nilengin Zochachuah-ah Medical Clinic neiin mi 287 an en a, Nilaini-ah Hruitezawl-ah kalin Clinic an neihpui leh a, hetah hian mi 179 an en leh a ni. Ningani-ah Ngengpuitlangah Clinic nei lehin mi 217 an en leh bawk.
Heng an tlawh khuaa Kohhrante te hnenah hian Kohhran hoten mi harsa zual te tana thawmhnaw leh mutbu an khawn sak thahnem tak an ken chu Missionary ten a mamawhte an lo sem turin an hlan bawk. Tin, Ngengpuitlangah hian Biak In Thutphah engemawzat an siam sak nghal a.
