Shillong Biak In thar[/caption]
Mizoram Baptist Kohhhran, Shillong (BCM Shillong) Biak In, Lumsohphoh, Nongthymmai, Shillong-14-a sak thar chu naktuk, February 23, 2019 (Inrinnni) khian BCM General Secretary Rev. F. Ramdinmawia chuan a hawng dawn ta. He Biak In thar hawn programme a tel tur hian Shillong Mizo Kohhrana lo lawi tawh te leh hemi atana thawhlawm petu Kohhran member zawng zawng te an sawm a ni.
Hawnna Programme hi naktuk (February 23) chawhnu dar 1:00 ah Biak In kawtah tan a ni ang a, he hun hi Upa C. Lura Zadeng, Building Comtt. Chairman-in kaihruaiin Rev. F. Ramdinmawia, General Secretary-in a hawng ang a. Biak In chhung-ah programme hman zui a ni ang.Biak In thar hlanna leh Pathian hnena lawmthu sawi inkhawm neih chhunzawm a ni ang a. Upa Sailoliana Sailo-in Inkhawm kaihruaiin, Rev. Lalbiaksanga Chinzah, BCM President-in Biak In thar Pathian hnenah a hlan ang. Rev. PC. Muanthanga, Chairman, BCM Shillongin Kohhran member te lawmna thu sawiin, Upa B. Laltanpuia, Building Comt. Secretary-in Report a pe ang a, PCI Shillong Bialtu pastor Rev. Lalbiakchhunga Pachuau-in chibai bukna (Greetings) sawiin, Rev. F. Ramdinmawia'n thuchah a sawi bawk ang. Zaipawl - BCM Choir, BCM Shillong Bial zaipawl, BCM Madandriting leh A hmangaihna faktute an zai bawk ang. Tlai lamah Biak In thar lawmna ruai kilho a ni ang.
Biak In thar hawn programme hi Pathianni-ah chhunzawm leh a ni ang a. Chawhma dar 11:00 - 01:00 ah Inkhawm awmin Rev. R.Lalrintluanga, Bialtu Pastor, Shillong Bialin a kaihruai ang a, Rev. Lalbiaksanga Chinzah, BCM President-in thuchah a sawi ang a, Shillong Bialtu pastor lo nih tawh te atangin Chibai bukna (Greetings) ngaihthlak a ni ang. Zaipawl: BCM Choir, BCM Shillong Bial, BCM Madandriting KNP leh Nl. Pensy B. Lalthangliani te an zai ang a, Rev. R. Lalbiakliana, Executive Secretary, Lawngtlai-in Malsawm tawngtaiin Inkhawm a tin ang.
Pathianni Chawhnu inkhawm hi dar 02:00 ah tan a ni ang a, Upa C. Lalbiaktluanga, Tresurer, BCM Shillong-in a kaihruai ang a, Rev.Dr.K.Lalrinthanga, Executive Secretary, Aizawl-in thuchah a sawi ang. He hunah pawh hian Shillong Bialtu pastor lo nih tawh te atangin lawmpuina leh chibaibukna an sawi leh ang. Zaipawl: BCM Choir, BCM Shillong Bial, BCM Madandriting BKHP zaipawl leh Nl. Pensy B. Lalthangliani te an zai leh bawk ang. Rev. R. Lalnunzira, New Serchhip Bialtu Pastor-in Malsawm tawngtaiin Inkhawm a tin ang.
[caption id="attachment_13640" align="alignright" width="300"] Shillong Biak In chhunglam[/caption] |
[caption id="attachment_13639" align="alignright" width="300"] Shillong Biak In hmalam[/caption] |
Kum 1975 ah Shillong Mizo Baptist Kohhran a lo piang a, Shillong Mizo Kohhran (PCI) nen Biak In intawmin hun rei tak chhung Biak in pakhatah inkhawm chhawk thin a ni a. Chumi atanga kum 42-na, September 1, 2017 khan Shillong Mizo Kohhran(PCI) nen inremna thuthlung siamin BCM chu Biak In thar sa turin a inbuatsaih ta a. Hemi atan hian Mizoram Presbyterian Church, Synod chuan inremsiamna angin cheng nuai 300 a pe a, Shillong Mizo Baptist Kohhran(SMBK) chuan an lawina Biak In, Shillong Mizo Biak In chu an chhuahsan ve ta thung a ni.
Tichuan Shillong Mizo Baptist Kohhran chuan Biak In hmun tur te zawngin tuna an sakna hmunah hian in dinglai chawpin an lei ve ta a. Mizoram Baptist Kohhran Assembly chuan He Biak In sak puitlinna turin kawng hrang hrangin hma a la a, Tualchhung Kohhran hrang hrang leh Mimal leh pawl ang tein tanpuina hi hmuh a ni.
September 16, 2017-ah Biak In lungphum phum a ni a, Building awmsa thiah leh chinfel a nih hnuah October thla atangin sak chhoh a ni ta a ni. Tichuan chak takin Biak In sak hna hi thawh a lo ni ta a ni. PCI Mizoram Synod hnen atanga dawn nuai 300 hi a hmun lei nan hman a ni a. Biak In sakna bik atan hian nuai 180 hman a ni bawk.
Shillong Mizo Baptist Kohhran tih thin chu 'Mizoram Baptist Kohhran' (Baptist Church of Mizoram, Shillong) tiin a hming a thlak a ni zui ta bawk a, Biak In thar luah atang chuan hei hi hman zui zel a ni tawh dawn a ni.
[caption id="attachment_13638" align="aligncenter" width="720"]
Shillong Biak In thar[/caption]
