BCM Assembly-in Sikkim Mission Field thar hawn tura a rel ang leh Mission Department-in ruahmanna a siam angin June 11, 2023 (Pathianni) khan Sikkim Mission Field chu Rev. Dr. R. Lalthanmawia, AGS-Mission chuan a hawng ta.
Field thar hawn inkhawm hi Baptist Church of Sikkim, Syari, Gangtok-ah neih a ni a. Rev. H. Lalengmawia, Field Director, West bengal Field-in inkhawm kaihruaiin Rev. A. Zohranga, Regional Director, Kolkatta Region-in Field hawn thar tur chungchang sawiin, Missionary te Inhmelhriattirna a nei a, Nl. R. Lalthansangi, Serkawn leh BCS Hebron Syari te hnen atangin Pathian fakna hla ngaihthlak a ni a, AGS-in Field thar hawnna neiin Pathian thuchah a sawi bawk. Rev. Hmingthanzama Chawngthu, Field Director-Sikkimin Malsawm tawngtaiin inkhawm a khar a. Inkhawm banah Field thar lawmna ruai an kilho nghal a ni.
Sikkim hi W. Bengal Field-a Area pakhat a ni ṭhin a. Sikkim Field hawn a nih atang hian Field Director, Rev. Hmingthanzâma Chawngthu-in a ṭhutchilh nghal a. He Field-ah hian Missionary 3, Sponsored missionary 1 leh Native worker 9 an awm mek a, Kolkata Region- hnuaiah Mission Field 8-na a ni. Kolkata Region-ah hian Arakan Field, Cambodia Field, Jharkhan Field, MP & MH Field, North India Mission Field, Sikkim Field leh West Bengal Field te an awm ta a ni.
