Serving in Mission (SIM) Internation hruaitu mi pali te chu Ocober 18 (Zirtawpni) khan Mizoram rawn thlengin, Mizoram Baptist Kohhran hmunpui, Serkawnah an tlawh a, SIM hruaitu lo kal te hi SIM International Director - Pu. Phil Bauman leh a nupui Pi Ms. Andrea Bauman te, Director of Relationship Development - Ms. Christabel Khiangte Corazza leh Deputy Director, SIM North East India, Shillong -Rev. Thlohnei Fachhai te an ni. SIM mikhual te hi General Secretary Rev. Dr. R. Lalbiakliana hovin Headquarters hruaituten an lo dawngsawng a ni.
Inrinni zing dar 10:30 – atang khan Headquarters Office, Serkawn-ah BCM hruaitute nen inkawmhona an nei a, BCM hruaitute leh SIM hruaitute Inhmelhriattirna leh rawngbawlna tlangpui te sawiin Thawhhona chungchang leh rawngbawlho zel dan tur te an sawiho a ni. Meeting an neih zawh hian Headquarters hmunhma leh Zirna in hrang hrang te, Damdawiin leh BCO te tlawhpui an ni bawk. Pathianni zingah BCM Salem-ah an inkhawmin, zan lamah Ramzotlang, Serkawn-ah inkhawm pui an ni a, tukin, Thawhtanni khan Aizawl panin a chhuak leh ta a ni.
Serving In Mission(SIM) hi Mizoram Baptist Kohhran-in mission rawngbawlna lama a thawhpui pawimawh tak an ni a, anni ho nen hian Thailand, S.Africa (Kenya leh Ghana) ah te kan thawkho -in Foreign lama BCM Missionary engemawzat chu SIM hian an hlawh a tum sak mek a ni.
