Sunday School Trainers Meet neih a ni

By Communications Dept.BCM

 

Tunkar Thawhlehni, March 26, 2024 khan Sap Upa leh Pu Buanga Hall, Headquarters Office, Serkawn-ah Mizoram Baptist Kohhran, Christian Education Department buatsaihin Sunday School Trainers’ Meet neih a ni a, tun tumah hian Trainers 15 an lo tel thei a ni.

Trainers Meet hi Rbt. B. Singpari, Sunday School Promoter-in a kaihruai a, tanna hun leh Pathian hnena inkawltirna hun a hman zawhah inhmelhriatirna te neiin, hriat tur pawimawh hrang hrang te a tarlan hnu ah thupui pawimawh hrang hrang zirhona neih chhunzawm a ni.

Chawhma alamah  Rev. ZD Rodingliana, Director, Christian Eductation Department-in ‘BCM Sunday School kalphung’ chungchanga zirtirna pein, Sunday School chungchang a thil tul leh pawimawh hrang hrang zirhova a ni. Chawhnu lamah Upa M. Thansiama’n ‘Sunday School Trainer te mawhphurna leh Training pek dan tur’  tih thupui hmangin zirtirna a pe a. Session tawp berah sawihona hun hman a ni.

Christian Education Department hian Sunday School Trainer tur hi Aizawl Area, Lawngtlai Area leh Headquarters Area ah te a ruat thin a, heng Trainers tura ruatte hian Pastor Bial leh Tualchung Kohhran-ah te mamawhna an ang zelin Christian Education Department-in ruahmanna a siam angin, Sunday School Seminar leh zirtirtu Training an neihpui thin a ni.

Beirual thu zir tur Pathian hnena hlanna neih a ni.

Beirual thu zir tur Pathian hnena hlanna neih a ni.

July 25, 2024 (Ningani) zing khan BCM Hall, Headquarters Offce, Serkawn-ah kumin 2024-a Beirual Thuzir tur ‘Ringtu Nun’ tih chu Rev. R. Lalbiakliana, General Secretary-in Pathian hnenah hlanin a tlangzarh. …

R&D-in Thli leh ruah avanga chhiat tawka tanpuina a pe

R&D-in Thli leh ruah avanga chhiat tawka tanpuina a pe

July 22-26, 2024 khan Buarpui leh Aizawl ah te tun hnaia thli leh ruah avanga chhiatna hrang hrang tuarte hnenah BCM Relief & Development Department chuan Chhawmdawlna leh tanpuina a sem a. Heng chhawmdawlna te hi R&D Department hotute -  Director Rev L.Vanlalsanga,Co-ordinator Rbt Lalrinawma leh Asst Co-ordinator Nl T. Lalfawnveli leh Pu Lalhriatpuia, Driver ten kengin Pastor Bial hrang hrangah tanpuina hi an pe a ni. …

Mission Inkhawmpui neih chhoh meka ni.

Mission Inkhawmpui neih chhoh meka ni.

Mizoram Baptist Kohran - Mission Department-in Kohhrante Mission rawngbawlnaa hma kan sawn nan leh mission rilru kan put ngheh deuh deuh theihna atan Mission Inkhawmpui buatsaih ni se ti-a ruahmanna an siam angin Lawngtlai, Lunglei eh Aizawl-ah te Pastor Bial 2/3 huapin Mission Inkhawmpui hi neih turin ruahman a ni a. A hmasa ber atan July 19-21 khan Lawngtlai khawpui chhunga Pastor Bial pathum - Lawngtlai North, Lawngtlai South leh Lawngtlai East Pastor bial te infinin BCM Biak In, Chanmari, Lawngtlaiah Mission Inkhawmpui hi tluang takin neih a ni. nkhawmpui thupui-ah Joshua 3:1 thu  ‘Ram lak tur lah chu a la tam mai si a’ tih chu hman a ni.  He Inkhawmpui-ah hian Sepaker-ah Rev. Dr. R. Lalthanmawia, AGS Mission leh Rev. Lalremsiama, Mission Director te hmangin, Resource person-ah  Pu T. Nghaksanga Mission Promoter hman a ni bawk. …