August 22, 2023 (Thawhlehni) zan khan Baptist Centre, Falkland sak mek ah, Aizawl East Pastor Bial TKP te chuan Bial huap hnatlang an nei a, hnatlang-ah hian TKP member 114 an thawkchhuak a ni. Brick engemawzat thiar in, hnathawhna sulhnu Cement nawi leh hnawk paih fai hna an thawk a ni a. Hnatlang te ei leh in tur Executive Secretary office lamin an buatsaihsak bawk.
Rev. R. Lalrintluanga, Executive Secretary, Aizawl Area chuan TKP Aizawl East Pastor Bialte hnenah an hun hlu tak seng a, member thahnem tak hnatlanga an thawh chhuah avangin lawmthu a sawi a, Ṭawngṭaina in hnatlang te a ṭin a ni.
