Baptist Church of Mizoram

January, 20-22, 2023 chhung khan ṬKP Chanmari Pastor Bial, Lunglei te chuan 'Lalpa lokal lehna' tih thupuia hmangin Inkhawmpui vawi-47 na BCM Biak In, Galili-ah an nei a, Speaker atan Rev. VL Nithanga, New Serchhip bialtu pastor an hmang. Inkhawmpuiah hian bial ṬKP rorel vawi 48-na neih nghal a ni a, thu pawimawh tam tak relin kum 2023-2024 Budget atan ₹280,000/- an pawm a ni.

Inkhawmpui hman pui tura MṬKP hruaitute sawm an nih angin, Pathianni zing ah MṬKP Vice President Pu F. Lalremruatpuia, Fin.Secretary Tv. H.Lalruatkima leh Ṭhalai Entu Jt. Editor Pu PC. Lalbiakdika ten an telpui a, Tv. H.Lalruatkima, Fin.Secretary hian MTKP aiawhin Chibai bukna thu tawi a sawi a ni. Pathianni zan inkhawmah pawh MTKP hruaitu te Rbt. Joseph B.Zirsangzuala, Secretary, MṬKP Media Cell leh Pu Lalrammuana Sailo, Assistant secretary, MṬKP Media cell ten inkhawmpui hi an hmanpui.

ṬKP Chanmari Pastor bialah hian Unit pali(4) ṬKP Chanmari Unit, Galili Unit, Ramthar Unit leh Zion Unit te an awm a, member 1660 (mipa-1007 leh hmeichhia-653) an awm mek a ni.