October 2, 2023 (Thawhṭanni) khân ṬKP Chawngte West Pastor bial chuan, bial rorêl bawhzuiin Sport meet an nei. Intihhlimna Items hrang hrang hmangin nilêngin hun an hmang a, ṬKP member ten an hlutin hun hlimawm tak an hmang.
Chawngte Playground-a sport meet neihah Bial ṬKP President, Pu Omeg Lalramkinlova'n Sport meet hi ṭhalai ten tisa leh thlaraua intuaitharna ṭha tak a nih theih nân a hawng a, Pathian hnênah ṭawngṭaina a neih zawhah intihhlimna neih chhunzawm a ni a, Bial ṬKP Vice President Tv. Jonah Malthangpuia'n Pathian hnêna lawmthu sawiin chhun lam hun a khâr ta a ni.
Zanlamah fellowship hlung taka hmangin, Tv. Joseph Lalchhingpuia'n Fellowship a kaihhruai a, Pathian fak leh chawimawiin thu leh hla hmanga inpâwlhona hun an nei bawk. Chawngte West Pastor bial ah hian TKP Unit pali (4) – New Salem, Bethel (Saizawh W), Horeb leh Chawngte ‘C’ Unit te awmin, unit tin atangin member ṭhahnem tak an tel thei a ni.
