July 30, 2023 (Pathianni) hi Thalai Kristian Pawl (TKP) din champha vawi 72-na a ni a. Kumin TKP Day thupui chu “Pathian nen lo inrem rawh u’ (II Kor. 5:20) tih a ni ang. 

TKP Day hi kum tinin member ten urhsun takin an hmang thin a.  Unit tam zawk chuan zingkarah Social Service thawkin vantlang hmun leh Biak In leh a chhehvel te an tifai a, chhun lamah awmni khama intihhlimna leh inelna thianghlim neiin, MTKP atanga programme duansa angin Unit tinah TKP Day lawman Inkhawm urhsun takin an nei thin a ni. Kuminah erawh chuan TKP Day hi Pathianni-ah a tlak avangin, Tualchhung Kohhran leh TKP Unit ten a hman dan tur leh ruahmanna an siam  angin  an hmang dawn a ni.

MTKP hruaitute pawh Bial leh Unit hrang hrang-ah TKP Day hmanpuiin an feh chhuak thin a, kuminah pawh MTKP hruaitute hian Unit hrang hrangah hetiang hian TKP day an hmanpui ang.

........

TKP DAY HMAN DAN TUR CHUNGCHANGA MTKP THU CHHUAH 

TKP DAY

30th July 2023 (Pathianni)

THUPUI: “Pathian nen lo inrem rawh u” (II Korinth 5:20)

THUHMA:
TKP Day 30th July, 2023 a lo thlen hian TKP chuan kum 72 hmel a lo hmu ve ta reng mai. Lalpa chu fakin awm rawh se. Unit tinte he hun hi kum danga kan tih thin angin tangkai taka hmang turin duhsakna kan hlan a che u. TKP ten kan hmalakna leh hun hmanna hrang hrangah TKP thutiam leh dinchhan hre reng chunga hma la turin kan in ngen a ni. TKP te malsawmna kan nih theih nan awmze nei tak leh hlawk takin kumin TKP day pawh hi i hmang theuh ang u.

HRIAT TUR PAWIMAWH:-

1. Kum 2023 TKP Day hi Pathianni a ni a. Hun hman dan tur chu Unit ten Tualchung Kohhran berawnin zingah emaw zanah emaw hman mai ni se.
    
2. TKP Day atȃna hman tur detailed Programme hi a hranpain MTKP aṭanga siam a ni lova, Unit-in tha a tih anga buatsaih tur a ni.
    
3. Inkhâwmah  hian  thawhlâwm  lâkkhawm  tur  a  ni  a.  Bial  kal  tlangin  MTKP-ah  thehluh  thin  a  ni.  Thawhlawm hmanna tur hi MTKP Executive Committee-in a ngaihtuah ang.
    
4. TKP  Day  hi  tha  taka  hman  a  nih  theih  nân  mahni  Tualchhung  kohhranah  thlen  in  se,  kan  tih  fo  thin  anga Fellowship dangte pawh min telpui tura sawm leh a remchan anga chanvo (special items, etc) pek ve thin te hi chhunzawm zel tlak a ni.
    
5. Kumin TKP Day hi Pathianni a nih avangin kum danga Unit ten Kohhran leh khawtlang tâna hnatlang thawka hun kan hman thin chu a rem lo ang a, amaherawhchu TKP Day hma emaw hnuah emaw,   TKP Day denchhena hnatlâng thawk thei kan awm chuan a lawmawm hle ang.

TAWNGTAI THUPUI:-

1. Kum 2023 MLA inthlan lo awm tur atan.
2. Kan ramah rorelna dik a awm theih nan.
3. Ruihhlo ngaite leh a zuartuten an sim theih nan.
4. TKP memberte kan lo intodelh deuh deuh theih nan.
5. MTKP hmalakna hrang hrang kan tih hlawhtlin theih nan.
6. Manipur ram buai avanga harsatna tawk mekte tan.

"Krista leh Kohhran Tan"

Sd/- F. Zorinkhuma
Secretary, MTKP