MTKP hruaitute hi Nl. Rebeck Lallawmzuali (Soloist), ṬKP Venglai Unit, Lunglei leh Pu Jerry Zonunmawia (Driver), ṬKP Chanmari Unit, Lunglei ten an ṭawiawm a. Inkhawm apiangin Nl. Rebeck Lallawmzuali hian zaia rawngbawlna a nei ṭhin a ni.
MṬKP hruaitute hian Inrinni zan aṭangin BCM Biak In, Khumtung-ah hun an hmanga, Tv. H.Lalruatkima`n Inrinni zanah Pathian thuchah a sawi a, Pathianni tuk leh Pathianni zan inkhawmah Upa R. Lalrochama`n thuchah a sawi thung.
Pathianni chawhnuah Fellowship neih niin hun hlimawm tak hman ho a ni a. Nl. J. Lalrintluangi'n MṬKP hmalakna hrang hrang leh hmachhawp te sawiin, Bial leh Unit anga bawhzui ngai chi hrang hrangte ṭhahnem ngai taka umzui zel turin kalkhawmte a fuih bawk.
ṬKP Khumtung Pastor Bialah hian Kohhran pali (4)- Khumtung, Seling, CTI, Sesawng leh Darlawng-te awmin ṬKP hi Unit hnih (2)- Khumtung leh Seling Unit-te a awm a. ṬKP member 123 (Mipa 94 leh Hmeichhia 29) an awm mek a. MṬKP hmalakna hrang hrang an ti hlawhtling thei veka, MṬKP Target leh MṬKP-a sum thehluh tur ang ang te pawh an theh lut kim tawh a ni.
