January 27, 2023 (Inrinni) khan Ṭhalai Kristian Pawl (ṬKP) Lawngtlai North Pastor Bial chuan BCM Biak In, Peniel Thingkahah  Bial chhung unit ṬKP Executive Committee Member te pualin Leadership Training an buatsaih a,  bial chhunga unit  hrang hrang aṭangin member 63 an kal khawm a ni.

Leadership Training hi hun hnihah ṭhenin, hun khatnaah Pu Teddy Lalrinliana Aineh, President ṬKP Lawngtlai North Pastor Bial-in ṭanna hun a hmang a, Pu Benjamin Lalrinzawna Aineh-in reports tawi pein,    Resourse person  Upa R. Lalrochama, President MṬKP  -in zirtirna a nei. MṬKP President hi Rbt. H. Lalruatkima, Fin. Secy MṬKP leh Rbt. Joseph B. Zirsangliana, Secretary, Media Cell, MṬKP te’n an ṭawiawm a ni.  ṬKP Lawngtlai North Pastor Bial-ah hian ṬKP unit panga - Electric Veng, Kanaan, Peniel, Salem leh Thingkah Unit-te awmin, ṬKP member mi 1017 an awm mek a ni.