July 21-23, 2023 chhung khan ṬKP Lawngtlai South Pastor Bial te chuan “Ngaih hlut tur dik, Lal Isua” tih thupuia hmangin Bial chhunga Unit hrang hrang intawhkhawm hun an hmang a, Speaker-ah Pu T. Lalrinmuana, Chanmari, Lunglei hman a ni.
He intawhkhawm-ah Programme ah hian Member 270 chuang an kal khawm ṭhin a, Zirtawp zan leh Inrinni chhun lamah TVJ Futsal ground ah pi pu te infiamna chi hrang hrang hmangin intihhlimna neih a ni a, Inrinni zan aṭanga Pathianni zan thleng BCM Biak In, Bethani ah Pathian Biak inkhawm neiin, Pathianni chawhnu ah Praise and Worship programme hman a ni bawk.
Speaker Pu T. Lalrinmuana chuan "Ngaihhlut tur dik Lal Isua" tih thupui hmangin thuchah ṭha tak a sawi a, kalkhawm ten an hlawkpui hle. Tin, he intawhkhawm hmanpui hian MṬKP hruaitu Rbt. F.Lalrinzuala, Rbt. N.Rosangliana, Pu C.Roluahpuia leh Nl.Nancy Lalmuankimi ten an tel pui a. Pathianni tuk inkhawmnaah Rbt. F.Lalrinzuala'n MṬKP aiawhin Chibai bukna thu tawi a sawi bawk.
