Ṭhalai Kristian pawl, Mampui Unit chuan an Unit din champhaphak vawi 75-na (Platinum Jubilee) chu September 26 & 27, 2023 khan an lawm a, Jubilee thupuiah "Hei lehchen hi Lalpa’n min pui a ni" (I Samuela 7:12 ) tih hmangin, Speaker-ah Rev. C. Vanlalhruaia, Bialtu pastor Mualthuam ‘N’ Bial an hmang.
September 26, 2023 zan Dar 6:00 ah Jubilee lawmna Inkhawm neiin, Jubilee Zaipawlin Opening Jubilee hawnna hla remin, Unit Secretary-in report a pe a, Speaker hnen atangin thuchah tha tak tak ngaihthlak a ni a, Woship Dance leh Solo te ngaihthlak a ni bawk.
September 27 zing dar 9:30-ah Jubilee dar vawi 75 an vua a. Rev. Vanlalrema Renthlei-in 'Platinum Jubilee Monument' a hawng a, Dar 10:00 ah Jubilee lawmna inkhawmm neih chhunzawmin P.Tomothy N. Lalrinfela, Jubilee Organising Committee Chairman-in inkhawm a kaihruai a. Lawngtlai Area Baptist Choir, Mampui Pastor Bial Zaipawl Jubilee Zaipawl ten fakna hla remin, Nl. Lalhmangaihsangi (Angaihte-i Hnialum) leh Tv. C. Ramdinzuala ten fakna hla an a bawk. Rev. Dr. H. Lalthlamuana, Executive Secretary, Lawngtlai te, Lawngtlai Area TKP Coordination Committee aiawh te, Mampui Pastor Bial TKP, Lawngtlai S Pastor Bial TKP leh Mampui Branch KTP aiawh ten Ju bilee chibaibukna sawiin Speaker hnen atangin thuchah ngaihnawm tak ngaihthlak a ni bawk. Chawhnu lamah Fellowship neih a ni a. Fellowship banah Jubilee lawmna ruai kilho nghal a ni.
Zan lamah Inkhawm awm lehin Inkhawm banah Biak In kawtah Jubilee medet a ni a, Upa C. Biakmawia, Sr.Adviser-in tawngtaiin Platinum Jubilee lawmna a khar ta a ni.
