TKP Pukpui Unit ten Platinum Jubilee an lawm

By Communications Dept.BCM

 

June 4-5 hmang khan ṬKP Pukpui Unit chuan kum 75 an tlin champhaphak - Platinum Jubilee an lawm a. Speaker-ah Rev. F. Zorinkhuma, Secrcetary, MTKP an hmang. Jubilee hawnna hi June 4, 2025 Thawhtan zan ar 7:00 -ah Chawngbawla Hall-ah hman a ni a, Rbt Joseph Lalrindika’n kaihruaiin, Upa Vanlalsanga, Senior Adviser-in Jubilee hawngin Jubilee mei a det a. Rbt. F. Vanlaldika’n Jubilee Souvenir tlangzarhin, Zotlang Pastor Bial Zaipawl ten fakna hla an rem bawk. Hemi zawh hian Praise & Worship neih zui a ni.  

 

June 5, 2024 (Thawhlehni) chawhma dar 10:00 ah Biak In kawt-ah Jubilee hriatrengna lungphun Upa Lalrinchhunga’n a hawng a, Jubilee dar vawi 75 vuak a ni a, TKP Hruaitu lo ni tawh te leh Kohhran hruaitute bakah TKP member ten dar hi an vua a ni. Hemi zawh hian Biak In chhungah Jubilee lawmna inkhawm nei zuiin Pu T. Lalmuansanga, Chairman, Org.Committee –in inkhawm a kaihruai a, Rev. F. Zorinkhuma, Secretary, MTKP-in chibaibukna leh thuchah sawiin, Pu R. Lalngaizuala, Secretary, Org. Committee-in report a pe bawk.  TKP Pukpui Unit Zaipawl leh Standing Choir ten fakna remin Nl. LH. Liandingpuii’n zaia rawngbawlna a nei bawk.

Chawhnu dar 1:30-ah  Chawngbawla Hall-ah Variety Programme hman a ni a, TKP Pukpui Unit hruaitu lo ni tawh te chawimawina neiin thilpek hlanna neih a ni. Zaithiam hrang hrang leh Live Band ten fakna hla sa-in, Rbt. Lalbiaknia Chhakchhuak, Vice Chairman, org. Committee-in lawmthusawina a neih hnu-ah Jubilee ruai an kilho a ni.

TKP Pukpui Unit hi June 5, 1949-ah din a ni a, an unit atang hian Pukpui West Unit te in dang tawhin tun dinhmunah member –  250 vel an awm mek a ni.

 

 

Mi Ngo hnuhnung Film tlangzarh a ni ta

Mi Ngo hnuhnung Film tlangzarh a ni ta

Kum 2019 Mizoram Baptist Kohhran rorelna sang ber BCM Assembly Vawi 123-na BCM Biak In Venglaia a neih chuan, “Mizorama Chanchin tha lo thlen dan documentary film buatsaih ni se, Communications Department in lo bawhzui se” ti a a rel ang in, kum 2019 May ni 13-ah Communications Department Committee chuan rel zuiin a tihhlawhtlin dan tur ngaihtuah nghal a ni. Kum 2020 July thla khan ‘Documentary Sub-Committee’ din nghalin, ruahmanna hrang hrang te siam ani a, Communications Department Committee ah thlirho leh niin, hmalak chhoh a nih dawn lai takin kan ramah hripui covid-19 hrileng avangin engmah tih theih leh hmalak theih loh in a awm ta a ni. …

KNP Winter Camp neih a ni.

KNP Winter Camp neih a ni.

Fellowship Department – in Planning-a an dah leh ruahmanna an siam angin, BCM-a Area hrang hrang – Aizawl, lawngtlai leh Headquarters Area-ah te Winter Camp neih a ni a, Headquarters Area-ah January ni 6 leh ni 7 (Thawhtan leh Thawhlehni) khan KNP Winter camp chu HATIM kawmzawlah neih a ni.. Thawhtan zan leh Thawhleh zan riakin January 8,2025 (Nilaini) khan an chhuak a. He Winter Camp hi Lunglei khawpui chhunga KNP Unit-te tana buatsaih a nih angin, unit 21 atangin member 180 chuang an tel thei a ni. …

Missionary day hman a ni

Missionary day hman a ni

January 11, 2025 hi Mizoram-a Missionary hmasa ber lo thlen champha phak vawi 131-na “Missionary day’ a ni a. Kumin Missionary Day thupui atan hian “ Lalpan thilropui takte min tihsaka, Sam 126:3” tih thu hman a ni. He ni hi rampumah hman a nih theh nan Mizoram sawrkar chuan sawrkar chawlh (State Holiday) atan a puang thin a, Kuminah pawh sawrkar chawlh-ah puangin kohhran hrang hrang ten awmni khamin ruai nen hun an hmang a ni. …