August 29, 2024 (Ningani) zan dar 7:00 khan TKP Serkawn Pastor Bial chuan Bial TKP Sports Meet 2024 kharna inkhawm BCM Hall, Serkawn-ah an hmang.

Inkhawm hi Pu Michael Lalremruata leh Nl. T. Lalrinpui ten kaihruaiin Bialtu pastor Rev. JC Vanlalluaia’n Pathian hnena inkawltirna (Hunserh) hmangin, thuchah tawi a sawi nghal a, Unit tin atangin zaipawl ten fakna hla remin, hemi zawh hian Group zai leh infiamna item ‘Minute to win’ hmangin unit inelna neih chhunzawm a ni a, Bial Sports Meet convener hnen atangin lawmthusawina ngaihthlak a nih hnu-ah Bial Meet inelna hrang hrang result puan leh lawmman semin chhunzawm a ni.

Serkawn Pastor Bial TKP hian May 12,2024 atang khan Bial TKP Meet hi nei tannin a hawnna leh tanna hi BCM Biak In, Ramzotlang-ah neih a ni a. Inrinni-ah Lena Studium leh Zohnuai Volleyball court-ah te infiamna hrang hrang hmangin unit intihsiakna neih a lo ni tawh a ni.

Serkawn pastor Bialah hian TKP Unit panga – Serkawn, Ramzotlang, Khawiva, Zohnuai leh Zohnuai East unit te an awm a, bial pumah member nghet 1523 an awm mek a, member nghet lo (Temporary) te nen an vaiin 1668 an awm mek ni

.