September 15-17, 2023 khân ṬKP Shillong Pastor Bial Inkhawmpûi vawi 33 na chu BCM Biak In, Madanriting, Shillong-ah neih a ni a. Inkhawmpui Thupûi-ah 'Lalpa Hmantlâk Ṭhalai te' tih thu hman a ni a, Speaker Upa R. Lalrochama President, MTKP hnen aṭangin thuchah ngaihtlak thin a ni.
He Inkhawmpui hmanpui hian Speaker bakah MTKP atangin Executive Committee Member te- Rbt. N. Rosangliana, Pu K. Lalrintluanga leh Pu Lalrammuana Sailo ten an hmanpui a, Anni bakah hian Bazar Pastor Bial Zaipâwl te pawh sawm an nih angin an hruaitu Worship Committee Secretary, Rbt T. Lalhlimpuia hovin Inkhawmpui hi an hmanpuiin, Aizawl Area ṬKP Co-ordination Committee hrûaitute atangin - Secretary, C. Lalbiakkima leh Committee member Nl. H. Lalrinawmi leh Pu K. Vanlalzauva te'n an telpui bawk.
Inrinni chhunah Bial TKP Reorel Inkhawm neiin Unit hrang hrang pali atangin palai an tel kim thei a, Bialtu pastor leh Bial aiawh Kohhranpui, BKHP leh BMP awiawh ten an telpui thei vek bawk. Kum 2023-2025 atan Bial TKP hruaitu inthlanna neiin, hengte hi thlan an ni:-
President - Nunengpuia Darlong
Vice President - Caleba Lalrinchhana
Secretary - Alex KC. Lalngâizuala
Asst. Secretary - Lalduhawma Chawngthu
Finance Secretary - Dr. Sharon Lalremruati Zadêng
Treasurer - R. Lalromâwii leh Senior Adviser - Upa B. Lalṭanpuia te an ni.
