ṬKP TEN ‘HRISELNA ATAN- TLAN’ TIH HUN AN HMANG

 

Mizoram |KP rorel vawi 71-nain “Hriselna chungchanga \halai ten hma kan sawn theihnan hma lak ni se” a tih umzuina hmasa ber atan June 19, 2024 zingkarah Mizoram chhung leh pawna ṬKP member ten ‘HRISELNA ATAN- TLAN’ tih hun an hmang.

He hun hmanna pui ber Lungleiah chuan Lunglei Tennis Court hlui hmunah hun hman a ni a. Rbt. F. Lalremruatpuia, Vice President MṬKP chuan hun a kaihruai a, MṬKP President Upa R.Lalrochama`n hunserh hmangin, Rev. F. Zorinkhuma, Secretary MṬKP chuan kalkhawmte chu hriselna kawnga hma an lakna tura intiamtirna hun a hmang bawk.

Sorkar mi pawimawh, Pu James Miahlung, Addl. DC, Lunglei, Pu Jerome Lalmuankima, SP Lunglei leh Dr. Lalrinthangi Deputy Chief Medical Officer, Lunglei ten he hun hi an hmanpui a. Healthy Lunglei Campaign a\angin Screening Non-Communicable Diseases (NCD) neih niin |KP member a duh apiang tan screening hi neih chhunzawm nghal a ni.

Aizawlah chuan Vanapa Hall kawtah hun hman a ni a. Rev. RC. Lalthanzama, Zotlang Bialtu Pastor chuan hunserh hmangin, Pi Lalrinpuii, Hon'ble Minister, Health and Family Welfare chuan he hun hi hmanpuiin fuihna thu a sawi hnuah tlan turte a vai liam ta a ni.

Lawngtlaiah chuan Areopagy hmunah hun hman a ni a. Upa V. Renhsanga, LA|KP Senior Adviser chuan hunserh hmangin, Rev. David Lalmalsawma, Lawngtlai North Bialtu Pastor chuan fuihna thu a sawi.

‘Hriselna atana- tlan’ hun hi Mizoram chhung leh pawna Bial |KP leh Unit |KP ten anmahni remchan dan angin an hmang bawk.

Mizoram |KP chuan “Hriselna chungchanga \halai ten hma kan sawn theih nan” hma lak chhunzawm zel a tum a, Bial leh Unit huanga hma lakna tur hrang hrangte pawh a duang bawk.