September 17 (Pathianni) chawhnuah khân ṬKP Tlabung Unit te chuan Unit plan-a an neih angin Tuilûang hmangin rawngbawlna an nei. ṬKP Tlabung Unit te hian Tuilûang hmanga rawngbawlna hi hun rei tawh tak aṭangin an lo kalpui tawh a, mei mit lo vin kumin thlengin an la kalpui ta zel a ni.

Missionary kâi aṭangin Lawng hmangin lui mawng lamah an kal a, Bangladesh leh Mizoram inrîna lâiah Tuilûang hmanga rawngbawlna hi an nei a ni a, Pu F.Rochangliana, Unit President in tanna neiin Pro Pastor Johana’n hunserh a hmang a ni.

Plastic bur ruakah Pathian thu tawng hrang hranga ziak (Bible tract etc.) chu khungin chu chu phui taka charin tuipui current chak lai takin an len thlak tir a, chu chu tuipui mawng lama awm ring lo mi tam tak ten an lo hmuh a, an lo chhiar a, mi pakhat talin Pathian an lo hmuh a, an lo hriat mial takin tiin rinna leh beiseinain rawngbawlna hi an nei ṭhin a ni.