TKP Zohnuai Unit te chuan an din kum 75-na Platinum Jubilee Puala Lunglei Town TKP Volleyball Tournament an buat saih chu Zawh fel a ni ta. Tournament hi March 10, 2025 ah tannin, March 18th, 2025 Thawhlehni zan khan Final Match khelin, closing ceremony pawh neih chhunzawm nghal a ni.
He hun hi Nl. Erika Zorinpuii’n a kaihruai a, TKP Zohnuai Unit Senior Adviser Upa CVL. Hriatpuia’n hunserh a hmang. MTKP Secretary Rev. F. Zorinkhuma’n hun hmanpuiin, a ni bakah hian BCM Zohnuai Kohhran Chairman Upa R. Lalduhawma leh Secretary Upa R. Lalbiakmawia, TKP Zohnuai Unit Hruaitu lo ni reng thin Nl. R. Lalthanzami ten lawmna semna an nei bawk
Hmeichhia ah TKP Gosen Unit, Electric leh TKP Zohnuai Unit ten Final lutin, TKP Gosen Unit, Electric ten Team Champion in, Medal, Trophy leh pawisa fai Rs. 7,000/- hlan an ni. Mipa ah TKP Hermon Unit, Theiriat leh Chanmari Vengthlang ten Final lutin, TKP Hermon Unit, Theiriat ten Team Champion an ni, Medal, Trophy leh Pawisa Rs. 10,000/- hlan an ni bawk.
He Tournament ah hian Lunglei Town chhunga atangin Mipa Team 21 leh Hmeichhia Team 11 te an chhuak a. Tournament a tel zawng zawngte hnenah hian lawmthu sawina Momento hlan an ni. Best Spiker atan Tv. Lalhriatpuia, TKP Hermon Unit leh Nl. H. Lalengzauvi, TKP Zohnuai Unit te thlan an ni a, Momento leh pawisa fai Rs. 1,000 ve ve hlan an ni bawk.
Tournament hi Lunglei khawpui chhunga Unit TKP ten an hlut in entu an tam thei hle a, Unit engemawzat leh mimal ten Jubilee lawmpuina thilpek an hlan a, thilpek petu te zawng zawng chungah TKP Zohnuai Unit te chuan thinlung takin lawmthu an sawi a. TKP Zohnuai Unit hi 12th April, 1950 khan din a ni. Tunah hian TKP member 386 an awm a, Krista leh Kohhran tan Thalai ten rawng anbawl zelna tura inpumkhatna tha zawk a thlen ngei an beisei a ni.
