#Relief & Develoment Deparmtent Committee
October 24, 2023 Thawhlehni chawhma dar 11:00 Meeting hi neih a ni a. Meeting a Secretary Rev. R. Lalnunzira report chuan tun dinhmunah R&D Department hnuaiah thawktu, AGS (Service) leh Director, R&D te nen mi 8 an awm mek thu te, Youth Skill Development Training Project hnuaiah Puanthui zirna leh Nurse zirna te kalpui niin, Puanthui zirnaah zirlai 25 ten an zir thu leh Christian Medical College, Pathipuram, Andra Pradesh-ah GNM zir tur an tirh thu te, Lydia Project hnuaiah Hmeichhe tan bika hma lakna hrang hrang – Self Help Group, Aizawl, Lawngtlai leh Lungleiah te kalpui a nih thu leh tun dinhmunah SHG 39-ah member 344 an awm mek thu te a tarlang.
Khuarel chhiatna tawk te leh Myanmar leh Manipur atanga raltlante hnenah chhawmdawlna pek an nih thu te, Bread of the World, Genmany te nena thawhhona-in Initiative for Peace and Economic Development Project (IPED) hnuaiah Vairengte leh Kolasib District-ah Mi hnuaihnung leh harsa te dawmkanna tur-in Hmalakna hrang hrang kalpui mek a nih thu te, Canadian Baptist Ministry (CBM) te nena thawhhonain Thingtlang lo neitute hamthatna tur leh Thalai hna mumal nei lo ten eizawnna nghet an neih theih nan Training Course chi hrang hrang kalpui mek a nih thu a tarlang bawk.
Meeting thurel zingah Steel & Alluminium Frabrication Training tur Department-in sponsor chungchang te, Recruitment Rules-ah R&D tan Post pathum siam belh chungchang te ngaihtuah in, Sustainable Community Development through Education and Support Policy Project (SCDEP) Proposal 2024 thlirho-in pawmpui a ni bawk. Heng bakah hian Fixed pay Worker rawih nawn dilna te, Kum 2024-2025 Plan & Budget ruahmana te thlirin pawm a ni bawk.
#Christian Education Committee
October 25, 2023 Nilaini chawhma dar 11:00 ah Meeting hi neih a ni a, Rev. R. Lalbiakliana, General Secretary-in report tlangpui a pe a. Secretary report chuan Sunday School kum chanve exam tluang taka neih a nih thu te, Kum 2024 Sunday School zirlai bu te chhut zawh a nih tawh thu te, kum 2025 atangin Sunday School zirlaibu a thara buatsaih vek tura tih a nih angin zirlaibu ziak tura ruat ten an ziak mek thu te, Kum 2023 Pastor Bial hrang hrang Inkhawmpuiah Sunday School-a kum 25 thawk tawh te chawimawina EM Chapman memmorial Certificate mi 181 hnenah pek a nih thu te, Pastor Bial 68 atangin Sunday School Target cheng nuai 8, sing 6, sang 3 leh 600 hmuh a nih tawh thu te tarlangin, kum kal mekah Sunday School Training leh Seminar Pastor bial 11 ah hmanpuiin Pastor Bial 9 hmachhawp an la neih thu te a tarlang bawk.
Meeting thurel zingah Sunday School inkaihhruaina chhut that chungchang te, Sunday School Text book Sub-Committee 2024-2026 ruat chungchang te, Sunday School Training leh Seminar neihna tur ruahmanna te, Sunday School-a kum 50 thawk tawh te chawimawina pek thin chungchang te, Kum 2026 Senior ‘B’ zir tur chungchang te ngaihtuahin, kum 2024-2025 Plan leh Budget ruahmanna te thlira pawm a ni bawk.
#Communications Deparmtent
October 26, 2023 Ningani chawhma dar 11:00 Meeting hi neih a ni a, President leh President Elect awmloh avangin, Rev. R. Lalbiakliana, General Secretary in Meeting hi a kaihruai a, Committee Secretary - Rev. R. Lalnunzira, AGS-Service-in report tlangpui a pe.
Secretary report chuan Meeting hmasa-in Faklam (Worship Dance) buatsaih ni se ti a a rel chu bawhzui in Aizawl, Lawngtlai leh Lunglei ah te intihsiak thawhkhatna buatsaih in Final chu Lunglei a buatsaih a nih tur thu te, Area hrang hrangah Communications Worskshop buatsaih ni se tih pawh bawhzuiin October 14 khan Aizawl-ah buatsaih a nih tawh thu te a tarlang a. Kohhran beng thlatin chhuak copy 12,500 chhut thin a ni thu te, Kar tin chhuak – Baptist Today pawh copy 14,000/- chhut a nih thu te a tarlang a, kum 2024 BCM Calendar leh Diary te chhut mek a nih thu tarlang in, Audio Visual Production ah thawktu Manager te nen mi 7 an awm mek thu te, Programme hrang hrang kalpui chhunzawm zel a nih thu leh Mizorama Chanchin Tha lo thlen dan Documentary Film ‘Mingo Hnuhnung’ shooting pawh a zatve zawhfel a nih tawh thu leh 2024 Assembly-ah release theih beisei a nih thu te a tarlang bawk.
Meeting thurel zingah Tawngtai hruaina bu man ennawn chungchang te, Radio Gup – Shup (94.3 FM) te nena thawhho chungchang te, Recording Studio puitling buatsaih chungchang te, Production Coordinator post siam chungchang te ngaihtuahin, Kum 2024-2025 atana Annual Plan leh Budget ruahmanna te thlira pawm a ni bawk.
#Fellowship Department
October 27, 2023 Zirtawpni chawhma dar 11:00 meeting hi neih a ni a- Fellowship hrang hrang Secrcetary ten report an pe a. Mizoram BMP Secretary, Rev. H. Lalfakzuala chuan BMP dinhmun tlangpui report tarlangin – BMP te hi Pastor Bial 78 dingin, Unit 337 an awm mek thu te, BMP member 15,872 an awm mek thu te a tarlang a, MBMP Reorel-in a passed angin BMP chanchinbu kum khata vawi 4 chhuak – BMP Aw tih chhuah tan a nih tawh thu te, Nungcha leh Environment humhalna atan kawng hrang hrangin hma lak mek a nih thu te, Missionary Supporter atan cheng nuai 2 pek a nih tawh thu te a tarlang.
MBKHP Secretary Nl. Lalhmingmawii Chongthu pawhin MBKHP Report tlangpui pe-in - MBKHP Inkhawmpui 2024 Programme siam fel a nih tawh thu te, NEICC Bieniel Assembly, MBKHP-in BCM Biak In Venglaia an dawl thu te, Chhawmdawlna In, Melte-ah Mipa Hostel Building hawn a nih thu te, Thadou Baptist Association India-Women Department ten MBKHP an rawn tlawh thu te, 14th Asia Baptist Women’s Union Assembly, September 11-14, 2023 chhunga Indonesiaa neihah MBKHP aiawhin member 20 an kal thu te, Chhawmdawlna In awareness leh Naupang humhalh inzirtirna neih a nih thu te tarlangin, MBKHP hrauitute Bial leh Unit hrang hrang bakah rampawna an zinna te a tarlang bawk.
MTKP Secretary Rev. F. Zorinkhuma pawhin MTKP report tlangpui pe in – NEICC Bienial Confenrence-ah MTKP aiawh an in tirh thu te, National Baptist Youth Confenrence neihzawh takah MTKP aiawh member 10 leh Lawngtlai Area Choir member 24 an kal thu te, Mizoramah tun aia rorelna dik a awm theih nana hma la turin Mizoram Political Party Headqurters Office hrang hrang an tlawh thu te leh MTKP hruaitute rawngbawlna hrang hranga an zinna leh palaia an kalna te a tarlan.
KNP Promoter Nl. K. Lalramthianghlim hnen atangin KNP report tlangpui ngaihthlak a ni a, tun dinhmunah KNP Unit 427-ah member 32,596 an awm mek thu te, KNP Chanchinbu Naupangte Thian chu copy 11,200 tih chhuah mek a nih thu te, KNP Leaders Trainers’ Meet hlawhtling takin neih a nih thu leh KNP te pualin Lemchan tawi intihsiakna neih a nih thu leh hetah hian Unit 43 an tel thu te, KNP Trainer’s Guide siamin pek chhuah a nih tawh thu te a tarlang a, KNP Promoter leh KNP Trainer te June 2023 atanga October thleng training leh rawngbawlna hrangah vawi 22 an feh chhuah tawh thu a tarlang bawk.
Meeting thurel zingah – Fellowship Department-a sum enkawltute pualin account training buatsaih chungchang te, 2024-2027 Term atan MBKHP President leh Senior Adiser ruat chungchang te, Kum 2024-a KNP Thuzir tur chungchang te, KNP Leader Trainer Training te a tel.
