Valedictory Service hi Pastor Thanzinga Chapel, AICS-ah hman a ni a, Principal Rev. Dr. C. Vanlaldika'n he inkhawm hi kaihruaiin, Rev. R. Lalnunzira, Associate General Secretary BCM chu Valedictory Speaker a ni.
Zirlai kalchhuak tur mi 47, Master of Theology zir zo mi 9, Bachellor of Divinity zir zo mi 24, Master of Divinity zir zo 6, Diploma in Mission Study (Missionary Training) 4 leh Diploma in Church music 4 te chu Dean of Graduate Studies Rev. Dr. Chuaukailiana kaihhruaina in Principal in Diploma Certificates pe in a tirchhuak a, zirlai ti tha te henah Proficiency Award leh lawmman dang te khual lianin a hlan bawk.
Zirlai chhuak tur te fuihna thuchah (valedictory adress) khual lian, Rev. R. Lalnunzira, Associate General Secretary, BCM, President North East India Christian Council ni bawk hnen atangin ngaihthlak a ni a, zirlai kal chhuak tur te chu kohhran tana rawngbawltu thawh hlawk leh tangkai tak an nih bakah, khawtlang leh ram tana mi tangkai ni turin a fuih a ni.
Vawiina AICS zirlai kalchhuak tur te thlahna inkhawm hi zirlai chhungte bakah Aizawl khawpui chhunga kohhran hrang hrang aiawh te, ATC leh Mizoram Bible College atanga hmanpuitu te, Haulawng Pastor Bial Zaipawl te leh kohhran pawl dang atanga mi sawm te mi engemawzatin an hmanpui a ni.
