June 24 (Inrinni) khan Headquarters Office, Serkawn-ah Worship Department buatsaihin Worship Trainers’ Meet neih a ni a, Inrinni nilengin Seminar leh Training hun an hmang a. He hunah hian Worship Department in Trainer a ruat atangin mi 14 leh Officce lama thawktu leh chanvo neite nen 21 an tel thei a ni.
He Meet hi Session thumah thenin Session khatnaa-ah Rev. Lalremsiama Ralte, Director, Mission Department-in Devotions hmangin, Pathian hnena inkawltirna a neih hnu-ah Rev. ZD Rodingliana, Director, Worship Department-in Worship Trainers te tana hriattur pawimawh hrang hrang te a sawi a, hemi zawh hian Kohhran Inkhawm leh Thiltih hrang hranga hman tur – Worship Manual chungchang sawihona neih zui a ni.
Chawhnu lamah Worship Department Derector kaihhruaina-in Kristian Hlabu hman dan chungchang sawihona neih chhunzawm a ni a, tlaiah zanriah kilhovin, Zan-dar 7:00-ah Pathian biak Inkhawm neiin, Rev. L. Vanlalsanga, Director, Social Concern Department in Thuchah a sawi a, Inkhawm banah Meet Review leh Trainers ten an ngaihpawimawh zawng sawihona hun hman chhunzawm a ni. June 25, Pathiani zing leh zan inkhawmah Lunglei khawchhunga Kohhran hrang hrangah Worship Department hotute leh Trainers te hi insem darhin Worship Campaign neih chhunzawm a ni bawk.
Worship Department hian Worship Trainer mi 17 a ruat a. Heaqurterds Area-ah mi 8, Aizawl Area tan mi 5 leh Lawngtlai Area tan mi 4 an ni. Heng Trainer te hi Bial leh Tualchhung Kohhran ten an sawmna leh Headquarters-in ruahmanna a siam angin Worship Training leh Seminar an neihpui thin a ni.
