Mizoram Baptist Kohhran (BCM) leh Zomi Baptist Churches of North America (ZBCA) te chuan June 20, 2023 (Thawhlehni) khan thawhhona thuthlung (Memorundum of Understaning) chu kum 5 (2023-2027) chhung atan pawtseiin an ziak fel leh ta a. He MoU ziakna hi Nashville, Tennessee, USA-ah neih a ni a, BCM aiawhin President Rev. KV Thanga leh General Secretary Rev. R. Lalbiakliana ten hming an ziak a, ZBCA aiawhin an President leh General Secretary ten hming an ziak bawk.
BCM leh ZBCA-USA te hian kum 2018 atang khan inremna thuthlung neiin an lo thawkho tawh a, MoU hi kumin-ah a lo tawp tak avangin kum nga dang atan ziak thar a lo ni leh ta a ni.
Tun tumah hian President leh General Secretary bakah Pu Lalruatkima, Administrative Officer leh Pi Irense Cobert te kal-in ZBCA ten an lo mikhual a. June 22 – 25 chhung hian Indianaplis ah kal lehin Chin Baptist Church Association of North America (CBCNA) ten an sawm angin CBCNA Assembly hmanpui leh ang a, he inkhawmpuiah hian General Secretary Rev. R. Lalbiakliana’n thuchah sawiin, Pu Lalruatkima’n Seminar-ah paper a present ang. Kohhran hruaitu te hi USA a an programme pawimawh an hman zawh hian Norway ah BWA Annual Gathering - July 2-5 a neih tur hmang turin an kal leh nghal ang a, July ni 8-ah Mizoram lo thleng leh tura beisei an ni.
