Zotlang Bial BKHP-in 'Pathian Tih – Chhuan Thar Din’ tih thupui hmangin Seminar an nei.

By Communications Dept.BCM

 

BKHP Zotlang Pastor Bial, Aizawl chuan Bial chhunga BKHP Unit hrang hrang te huapin July 17, 2024 (Nilaini) khan 'Pathian \ih – Chhuan Thar Din’ tih thupui hmangin Seminar an nei a. Resource Person-ah NexGen Organisation te an hmang.

Seminar hi Coordinator pu H. Muansangpuia’n kaihruaiin, Pi Zairemi, Vice President, Bial BKHP-in Pathian hnena inkawltirna hun serh a hmang a, Pi Lalrindiki Hnamte, Bial BKHP Secretary-in report tawi a pek hnu-ah Coordinator Seminar buatsaih dan leh kalphung tur hrilhhriatna thu  neiin Resource Person Pi Amie Lalnunpuii leh Upa Lalnunsiama Khalthang ten Seminar thupui hmangin zirtirna an pe a ni.

Seminar hi BCM Biak In, Chawnpui-ah neih a ni a, Bial chhung Unit hrang hrang atangin BKHP member 102 zet kal khawmin, Bialtu Pastor – Rev. Rc Lalthanzama leh Pro Pastor - K.Malsawmthanga te bakah Bial BKHP Senior Adviser - Upa R. Zothansanga te, Chawnpui Unit Senior Adviser pahnih  Upa LT Zauva leh Rbt Ngurchhinga Sailo ten an tawiawm a ni.  

 

BMP Day vawi 45-na urhsun taka hman a ni dawn.

BMP Day vawi 45-na urhsun taka hman a ni dawn.

May 4, 2025 (Pathianni) hi Baptist Mipa Pawl (BMP) din champha phak vawi 45-na a ni a, BMP awmna Unit tinah thupui Headquarters atanga thupui thlan sa “Thlenchin atanga hmasawn” ( Philippi 3:16) tih hmangin hun hman a ni ang. Mizoram BMP hruaitu te pawhin Unit hrang hrang-ah hetiang hian BMP Day hi an hmanpui ang. …

2025 BKHP Day hman a ni dawn.

2025 BKHP Day hman a ni dawn.

May 2, 2025 Zirtawpni kha Baptist Kohhran Hmeichhe Pawl (BKHP) din champha phak vawi 87-na a ni a. Kumin BKHP Day thupui chu “Lawm chunga Lalpa rawngbawl” (Sam 100:2) a ni. MBKHP lam atanga ruahman leh ngenna an siam angin hemi ni zing kar leh chhun lama hun hmang theite chuan Khawtlang tana thil tha tihna atan hmangin khawlai tihfai hna te an thawk a, zan lam-ah BKHP Day pualin inkhawmin, thupui thlan sa hmangin thuchah ngaihthlak a ni. Hemi Ni pual inkhawm thawhlawm hi Tualchhung Kohhran harsa zual tanpui nan hman tura ruahman a ni. …

KNP Day hlung taka hman a ni.

KNP Day hlung taka hman a ni.

April 23, 2025 (Nilaini) khan Kristian Naupang Pawl Din champhaphak (KNP Day) vawi 82-na hman a ni . Kumin KNP Day hi School chawlh lai anih loh avangin tualchhung kohhran thenkhat chuan zan inkhawmnaah KNP pualin hun an hmang a. KNP te’n item hrang hrang an entir bakah thuchah sawitute pawhin thupui awm sa “Thuawihna (Kolossa 3:20) ” tih thu hmangin thuchah an sawi. …