Rorel inkhawm hi February 24, Inrinni khan BCM Biak in, Phunchawng ah an nei a, palai 157 kal in, bialtu pastor leh pro pastor ten an telpui thei bawk. Rorel bul lamah 2023-2024 chhunga member boral mi pakhat sunna leh a chhungte tana tawngtaisakna hun hman a ni.
Thurel zing ah Bial BKHP Inkhawmpui a hrana nei tawh lova, Pastor Bial inkhawmpuia tel ve tawh te, Christian Hospital Serkawn nau neihna ward-a hman tur naupuan dah te, The Leprosy Mission leh Baptist Church Orphanage puala unit tinin fehchhuah neih ni se tih te, Pro Pastor quarters tih changtlunna atana sum dah te, Missionary support neih chhunzawm te, Tawngtai Bethel Camping Centre, Sakawrtuichhun tanpuina pek te, 2024 chhunga member tinin Bible chhiarchhuak tura hmalak te a tel a. Kum 2024-2025 budget atan Rs. 240000 pawm a ni bawk.