July ni 5, 2026 Pathianni hi Mizoram Baptist Kohhran Nipawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kumin Mission Sunday-ah hian thupui atan Josua 13:1 (b) “Ram lah chu lak tur a la tam mai si a” tih hman a ni ang.

Mizoram Baptist Kohhran Calendar-a kan hmuh ang leh kum tina Mizoram Baptist Kohhranin kan tih thin angin June Pathianni hnuhnung ber hi Sunday School kum chanve exam ni a lo ni leh ta. Mizoram pumah Pathianni zing inkhawm banah Exam hi neih a ni ang. Senior ‘A’ leh Senior ‘B’ chu a bu ena exam tur a ni a, Pathianni hmasa khan Question hi semchhuah tawh niin mahni in lamah an chhang mek a, Pathianni hian an chhanna an thehlut ang.

Financial Year liam ta, Kum 2025-2026 a BCM pawisa lut leh chhuak endik hna (Internal Audit) zawh fel a nih hnu-in vawiin June 26, 2026 (Zirtawpni) atangin statutory Auditors – Chartered Accountant, NC Das & Company, Guwahati-te chuan BCM hnuaia Account zawng zawng BCM Headquarters  office, Serkawn Meeting room no 1-a Audit an neih chu karleh lamah zawh fel tum a ni.

He inkawmkhawmna MṬKP Vice President leh Thlaraubo man beihpuithlak Committee Chairman ni bawk Pu Jeffrey Lalremruata'n a kaihruai a; MṬKP Rorel vawi 72 na in 'Thlaraubo man beihpuithlak chhunzawm ni se' tia a lo rel angin Mizoram Ṭhalai Kristian Pawl chuan hmalakna tur hrang hrang ruahmanin bul a tan mek a ni.

Tunkar Pathianni June 21, 2026 hi Mizoram Baptist Kohhran Ni pawimawh “Relief Sunday” a ni a. He Ni hi Mizoram Baptist, Tualchhung Kohhran tinah hman a ni ang. Kumin Relief Sunday thupui chu “Pathian nen kan ti thei’ (Phillipi 4:13) tih a ni. Relief Sunday-ah hian Pathianni zing inkhawmah Headquarters leh tualchung kohhran Relief rawngbawlna chanchin report leh thupui thlan sa hmangin thuchah ngaihthlak a ni ang.

Mizoram Ṭhalai Kristian Pawl chuan an dincham kum – 75 na pualin, Group zai Intihsiak an buatsaih a. Inelna hi chhawng hniha neih a ni a. Headquarters Area, Aizawl Area leh Lawngtlai Area ten anmahni Area chhûng ṭheuha an neih tawh hnuin, June Ni 10 & 11, 2026 zanah khan  BCM Headquarters Office, BCM Hall, Serkawn-ah Area tina a ti ṭha zualte hian Final Intihsiakna an nei leh a ni.

June Ni 10, 2026 (Nilaini) a, Pi Lalrinpuii Hon'ble Minister, Health & Family welfare department Pisa-a thawhhona thuthlung an ziak

June 11, 2026 (Ningani) khan BCM Headquarters office-a thawktu ten BCM ram chhung, Serkawn-ah Green Mizoram Day pualin thing phun hnatlang an nei. Thing chi hrang hrang kung 49 an phun.

Serving In Mission-North East India Annual Board meeting leh Annual General Council meeting vawi 19-na, May 28-29, 2026 –  chu BCM in thlengin Baptist House, Shillong-ah neih a ni.

May 28, 2026, (Ningani) hian Sub-Drop In Centre (DIC), Zohnuai, Pu R. Lalduhkima Building, chu Rev. RC. Lalthanzama, Director, Social Concern Department chuan hawngin Pathian hnenah a hlan.

Upa J.T. Kima (J. Thatkima) hi Pu J. Bualduna leh Hnumthluaii te inkarah October 1, 1935 khan Tarpho-ah Unau paruk (6) zinga pangana ni turin a lo piang a, an unaute hi hmeichhia pathum leh mipa pathum an ni.

May 29, 2026 (Zairtawpni) hi Mizoram Baptist Kohhran Ni pawimawh (Special Day) “ṬKP Ramthim Ni”a ni a. Kumin ṬKP Ramthim Ni thupui chu “Krista hnena mi dangte hruai”( Luka 19 : 10)” tih a ni. ṬKP Ramthim Ni-ah hian MṬKP atanga ruahmanna an siam zul zuiin Unit tinah inkhawm leh ţawngţai programme te siamin, urhsun takin hun an hmang ang, Mission rawngbawlna lama ţhalaite cho thar leh nan te, Missionary-te puala ţawngţai leh ţawngţai programme te siamin hun hman ţhin a ni.

May 21-24,2026 hmang hian North East India Christian Council (NEICC) 5th Biennial Session chu Belpara Baptist Church, Resubelpara, North Garo Hills, Meghalaya-ah neih a ni.

Tun kar Pathianni, May 24, 2026 hi Thlarau Thianghlim thlen ni (Pentecost Ni) a ni a. He Ni hi khawvel pumah Kristian te chuan urhsun takin an hmang thin a. Mizoram Baptist Kohhran pawhin he ni hi Special Sunday atan a hmang thin a ni. Kumina Thlarau Thianghlim thlen Ni atan hian BCM Headquarters atangin thupui thlan a ni a, thupui “𝐓𝐡𝐥𝐚𝐫𝐚𝐮 𝐭𝐡𝐢𝐚𝐧𝐠𝐡𝐥𝐢𝐦𝐚 𝐜𝐡𝐡𝐢𝐧𝐜𝐡𝐡𝐢𝐚𝐡” (𝐄𝐩𝐡𝐞𝐬𝐢 𝟏:𝟏𝟑)

Kum dang ang bawkin Baptist kohhran chuan May thla chawlhkar hnihna, ni 11 leh17 inkar hian Kristian chhungkaw Chawlhkar a hmang thin a; hemi chawlhkar-a chhungkaw tin thuzir tur Rev. K. Lalnunsanga Director, Christian Education department-in a buatsaih chu zir mek a ni.