Tun hnai a Cyclone tleh avanga  Mizoram hmun hrang hranga leimin avanga chhiat tawkte, In leh lo leh nunna chan chhungkua te chu Mizoram Baptist Kohhran, Relief & Development Department chuan chhawmdawlna cheng nuai 2 leh sang hnih (Rs. 202,000/-) a pe chhuak.   Chhawmdawlna sum hi  Bialtu pastor ten an bial chhunga chhiat tawk te hnenah semin, Bial hrang hrang a chhungkaw 75 leh YMA Branch thenkhat hnenah hnatlang thingpui lumna atan a pek a ni a, Chhiat tawkte dinhmun a zirin tanpuina an pek hi a inang vek lo a ni.

June 11, 2024 (Thawhlehni) khan J.M. Lloyd Hall, Synod Office-ah Mizoram Kohhrante Inpumkhatna tura Council of Chuches in Mizoram (CCM) dinna turin Joint Committee meeting neih a ni a. He Meeting-ah hian Kohhran hrang hrang paruk - Mizoram Presbyterian Kohhran, Mizoram Baptist Kohhran, Evangelical Church of Maraland, Lairam Isua Krista Baptist Kohhran, Evangelical Free Church of India, Isua Krista Kohhran ( Bualpui Ng) aiawhte an tel a ni.

June 8 & 9 hmang khan Pangzawl Pastor Bial leh Thuampui Pastor Bial, Aizawl te chuan Bial Worship Committee te hmalakna-in Worship Meet hetiang hian an hmang.

June 8,2024 (Inrinni) hmang khan Hauruang Pastor Bial-ah ‘Nute Mawhphurhna” tih thupui hmangin Baptist Kohhran Hmeichhe Pawl (BKHP) Seminar buatsaih a ni a. MBKHP atangin Resource Person pathum – Upa B. Singopari, Vice President leh Executive Committee Member zing atangin Pi. K. Darrothangi leh Pi Zoremsiami te hman an ni. Seminar hi BCM Biak In Hauruangah neih niin, member 36 an tel thei a ni.

BCM Assembly-2024 khan Ruihhlo leh a kaihhnawih that loh zia inzirtirna beihpui thlak hawnna (Kick off)  neih a ni a. Social Concern Department-in hemi bawhzuina kal zel atan hian Kohhran pumah Ruihhlo do Sunday hman ni se ti-a ruahmanna a siam angin,  June 9, 2024 (Pathianni) hi Ruihhlo do Sunday atan hman turin a ruat a. Social Concern Committee-in hma la-in hemi ni thupui ah “A bote chu ka zawng ang a, hnawh bote chu ka hruai kîr leh ang” (Ezekiela 34:6) tih chu hman ani ang.

Vawiin, June 7, 2024, Chawhma dar 10:30 khan Mizoram Baptist Kohhran, Medical and Health Department Committee Meeting, B. Sanghnuna Conference hall-ah neih a ni a. Committee chuan  School of Nursing, Christian Hospital, Serkawn-a GNM zir tura in ziak tling te Personal Interview neiin, heng mi 30 te hi lak an ni.

School of Nursing. Christian Hospital Serkawn-a GNM zir tur Entrance Exam result 2024 chu tih chhuah a ni a, Exam zawng zawng atangin mi 50 Interview tura koh an ni a, Interview hi naktuk, June 7, 2024 dar 1:00-p.m ah B.Sanghnuna Conference Hall, Christian Hospital Serkawn-ah neih tur a ni a, Interview tur ten Original  Documents ken tur a ni… Heng te hi Interview tura kohte an ni:-

June 4-5 hmang khan ṬKP Pukpui Unit chuan kum 75 an tlin champhaphak - Platinum Jubilee an lawm a. Speaker-ah Rev. F. Zorinkhuma, Secrcetary, MTKP an hmang. Jubilee hawnna hi June 4, 2025 Thawhtan zan ar 7:00 -ah Chawngbawla Hall-ah hman a ni a, Rbt Joseph Lalrindika’n kaihruaiin, Upa Vanlalsanga, Senior Adviser-in Jubilee hawngin Jubilee mei a det a. Rbt. F. Vanlaldika’n Jubilee Souvenir tlangzarhin, Zotlang Pastor Bial Zaipawl ten fakna hla an rem bawk. Hemi zawh hian Praise & Worship neih zui a ni.

June 5, 2024 (Nilaini) khan Higehr & Technical Institute of Mizoram, HATIM chuan Zirlai chhuak turte thlahna (Valedictory Ceremony), KT Multipupose Hall, Kawmzawl-ah neiin, khuallian-ah Lunglei Bawrhsap Pi Ramdinliani, IAS an hmang.

May 29 - June 1, 2024 hmang khan Melaka, Malaysia -ah kum nga dana neih thin - Asia Pacific Baptist Youth (APBY) Conference vawi 18-na chu tluang takin neih a ni a. Asia ram hrang hrang atangin Palai leh chhimtu an kal khawm tha hle. Conference hming-ah hian "APBY 'Be' Conference 2024" tih niin, Thupui hi Kolossa 3:16 thu tlawh chhanin, “Krista-a rinna nghet taka vuan tur leh khawvel-a chhi eng tur te, Krista hnungzuitu dik tak ni tur te, Pathian min pek kan talent te hmanga zau zawka Pathian rawngbawl tur te, Ringtu pui te leh rawngbawlpui te nena thawhhona leh inpawhna tha zawk siam te a ni.  Heng thupui then hrang hrang hmang hian thuchah ngaihthlak thin a ni a, Seminar leh Workshop-ah te thupui then hrang hrang zirhona neih thin a ni bawk.

Dibang Lohit Namsai Baptist Church Association (DLNBCA) Hruaitute - Toding Ratan - President, Kenli Riba - Vice President leh James Litin – Executive Secretary, DLNBCA te chuan May 29 - 31  chamin Mizoram-ah an lo kal a. DLNBCA hruaitute hi Rev. ZD Lalrozuala, Field Director, Arunachal far-East Field-in a rawn hruai.

May 24-26 khan Evangelical Church of Maraland (ECM) leh Congregational Church of India, Maraland (CCIM) te Inpumkhatna tura Special Assembly, ECM Local Church, New Siaha-ah neih a ni a. He Special Assembly-ah hian BCM chu palai tur leh an inremna hriatpui tura BCM an sawm angin, BCM aiawhin Rev. R. Lalnunzira AGS (Service) , Rev. TC Vanlalmalsawma (Lawngtlai East Bial) leh Upa F. Aihranga Serkawn te palaiin an tel.

May 24-26 hmang khan BKHP Pangzawl Pastor Bial chuan BCM Biak In, Khawngbawk-ah BKHP Seminar an buatsaih a. Speaker leh Resource Person-ah MBKHP hruaitute   - Pi Zohmangaihi, Finance Secretary leh MBKHP Executive Committee Member pahnih - Pi ZD. Lalliansangi leh Pi T. Lalawmpuii te an hmang.

May 25 (Inrinni) khan Republic Vengthlang Pastor Bial chuan Bial chhung-a Kohhran Hruaitu - Upa leh Rawngbawltute bakah an kawppui te pualin Seminar an buatsaih a. Speaker & Resource Person atan Pu Lalruatkima, Administrative Officer an hmang. Upa leh rawnbgltute leh an kawppui te nen mi 60 vel an tel thei a ni.

Vawiin, May 29, 2024 (Nilaini)hi Mizoram Baptist Kohhran Ni pawimawh (Special Day) “TKP Ramthim Ni”a ni a. Kumin TKP Ramthim Ni thupui chu “Krista hmangaihna chuan min tir lui a ni” (II Kor. 5:13-15) tih a ni.  TKP Ramthim Ni-ah hian MTKP atanga ruahmanna an siam zul angin Unit tinah inkhawm leh tawngtai programme te siamin, urhsun takin hun an hmang thin a, Mission rawngbawlna lama Thalaite cho thar leh nan te, Missionary te puala tawngtai leh Tawngtai programme te siam thin a ni.