Retreat hi Lawmsanga Camping Centre, Ailawng ramah march ni 25 & 26 khan neih a ni a, mipa 12, hmeichhia 19 leh hruaitu 7 an tel a ni. Speaker atan Rbt. Stephen Lalruatfela leh a rawngbawlpui (Krista Thawhpuitute Team) te hman an ni

Tunkar Thawhlehni, March 26, 2024 khan Sap Upa leh Pu Buanga Hall, Headquarters Office, Serkawn-ah Mizoram Baptist Kohhran, Christian Education Department buatsaihin Sunday School Trainers’ Meet neih a ni a, tun tumah hian Trainers 15 an lo tel thei a ni.

Kar hmasa Zirtawp ni, March 22, 2024  khan Higher and Technical Institute, Mizoram (HATIM) chu an Principal Pu Vuansanga Vanchhawng hovin tun hnaia Adopted Village atana an puan thar, Zotuitlang Lunglei District an tlawh a. Zotuitlang-ah hian khawtlang hruaitu, VC te, YMA leh MHIP hruaituten an lo dawngsawng a. VCP leh HATIM Principal te hian thawhhona thu thlung (Memorunduma of Understanding) ziakin an sign a ni. HATIM atangin Principal bakah zirtirtu pathum - Dr Lalhminghlua, Asst Professor, RTC  Lallianzela, Assf Prof, Pu Vanlalruata Kawlni, Sr. Assistant leh thawktu dang pahnih bakah zirlai 18 an kal tel bawk

March 23, 2024 (Inrinni) khan an Kohhran Hall-ah Free Medical Camp hi an buatsaih a, an kohhran din champhaphak kum 25-na (Silver Jubilee) lawmna pakhat atana buatsaih niin, an kohhran member te bakah veng chhung mi engemawzat an inentir a ni.

March 20, 2024 (Nilaini) zing dar 7:30 khan Baptist English School extension building thar sakna tur lungphum phum a ni a. Rev. L. Vanlalsanga, Education Director-in he hun hi kaihruaiin tanna hun a hmang a, Rev. R. Lalbiakliana, General Secretary-in BES extension ruahman a nih dan leh a tulna te sawiin, Upa Victor Lalrinawma Sailo, Director, Property Department in building sak dan tur ruahmanna te sawifiahin a tarlang. Rev. R. Lalnunzira, AGS-Service in building sakna tur lungphum phumin tawngtaina in a hlan a ni.

March 21, 2024 (Ningani) chhun dar 12:30 khan Higher and Technical Institute, Mizoram (HATIM) Principal Quarters thar hawnna leh Pathian hnena hlanna neih a ni a. Rev. Lalnunzira, AGS Service-in kaihruaiin, Upa Victor Lalrinawma Sailo, Director, Property Department in, in sak dan report tlangpui a pe a, chhuat hniha sak niin a sak nan hian nuai 61 chuang hlek hman a ni. Rev. R. Lalbiakliana, General Secretary-in HATIM Principal chenna tur in thar hi hawng in, Pathian hnenah a hlan a ni.

March 15-17, 2024 hmang khân ṬKP Khawzawl Pastor Bial Inkhawmpûi vawi 2-na leh Bial TKP Rorel vawi 12-na chu BCM Biak In, Dinthar, Khawzawl-ah neih a ni a. IThupûi-ah ‘I nunna turin tlan chhuak rawh’ tih Genesis 19:17 thu hmang in, Speaker-ah Upa Pc Vanlalrova, Sr.Adviser, MTKP an hmang. Khawmpui hi MTKP executive Committee Member Rbt Zohmangaiha  leh zai thiam  Pu Zorema Khiangte leh Nl F. Lalremruati ten rawngbawlin an telpui bawk.

Training hi tunkar thawhlehni March 19 chawhnu dar 1 khan BCM Hall, Serkawn ah neih a ni a. Lunglei khaw chhunga Tualchhung Kohhran hrang hrang atangin mi 3 theuh leh Kohhran zirna in hrang hrang HATIM, School of Nursing, Baptist Higher Secondary School zirtirtu te leh Kohhran Office hrang hranga thawktu te mi 200 bawr vel an kalkhawm a ni.

March ni 15-17, 2024 chhung khan meet vawi hi Sihtlangpui-ah an hmang in, Rbt Chawngrolura Chawngthu, President, MBMP chu speaker a ni a, thupuiah "Lalpa rawngbawl" tih hman a ni. Lawngtlai Area BMP Coordination Committee hruaituten he meet hi hmanpuiin, an ṭawiawm a, Tv. H. Lalthanmawia, BCM Mualthuam ‘S’ in zaia rawngbawlin Meet hi a hmanpui bawk. Mikhual riak lut 60 vel an awm a ni.

Kar hmasa Inrini, March 16 khan Ṭhalai Kristian Pawl, Zotlang Pastor Bial chuan Bial TKP rorel umzuiin MṬKP Youth Centre hmunah bial huapin hnatlang an thawk a, member 40 thawkchhuakin thing thiar khawm te, a hmunhma tihfai leh a ram chhunga kal kual na tur kawng (step) siam hna te an thawk a ni. MṬKP Secretary Rev. F. Zorinkhuma pawh hnatlangah hian thawkin, hna tan hma-in Pathian hnenah inkawltirna neiin a tawngtai a ni.

Inkhawmpui hi March 15-17, 2024 chhung khan BCM Madanrting Shillongah a neih a ni a. Inkhawmpui thupuiah "I rawngbawlna kha hlen rawh" 2 II Timothea 4:5 hmang in, Speaker ah Pi F.Lalengmawii, President BKHP Shillong Pastor Bial hman a ni.  Inrinni –ah Bial BKHP Reorel neiin, kum 2024-26 hruaitu thar an thlang nghal bawk. Hruaitu atana an thlan te chu hengte hi an ni:-

Bazar Pastor Bial chuan an bial rorel bawhzuiin March 16 leh 17, 2024 hmang khan Muallianpui Pastor Bial an tlawh a. Kohhran member 49 leh Bazar Bial Zaipawl member 23 nen an vaiin member 72 an kal a. An zing ah hian group zai pakhat leh soloist 3 an kal tel bawk a. Bial chhung kohhran hrang hrang pali- Muallianpui North, Muallianpui South, Lungpuitlang, New Kawnpui ah te insem darhin hun an hmang a, South Lungleng erawh chu kalkawng a harsat deuh avangin tun tumah hian an tlawh thei ta lo a ni.

Mizoram Baptist Kohhran chuan Mission Field Director atana ruat thar - Rev. Zadingliana Pachuau -Tripura Field-a awm tur leh Rev. J. Lalpiantluanga, Jarkhand Field-a awm tur te leh an nupui te chu tunkar Pathianni, March 17, chawhma dar 10:00 khan Mizoram Baptist Kohhran Biak In, Zotlang North-ah Rev. R. Lalbiakliana, General Secretary-in a tirchhuak a.

Lawngtlai Area Ṭhalai Kristian Pawl Co-ordination Committee leh Department of Environment, Forest & Climate Change, LADC ṭangkawp-chuan ‘Ram kang chungchanga inzirtirna atan - Sawihona Hun' (Pannel Discussion) an buatsaih

March 16, 2024 (Inrinni) khan Vairengte Pastor Bial Upa leh Rawngbawltu te pualin Leadership Training BCM Town Church Vairengte-ah a neih a ni a. He hunah hian Rev R. Lalnunzira, AGS-Service chu zirtirtu atana hman a ni. Nilengin training hi neih a ni a, Bial chhunga Kohhran Upa leh rawngbawltu mi 32 an tel thei a ni. He hunah hian BCM Town Church, Vairengte-in Annual report, a bu-a buatsaih chu bialtu pastor Rev. C. Lalhmangaihzama’n a tlangzarh bawk.