Aizawl Area Bru Mission Workers’ Retreat neih a ni. December 10 leh 11, 2022 chhung khan Aizawl Area Bru Mission Workers’ Retreat, Comprehensive High School, Damparengpui-ah neih a ni a, Speaker & Resource Person-ah Rev. Lalremsiama Ralte, Mission Director hman a ni.  Inrinni nilengin Bru Mission hnuaia thawktute pualin Seminar leh Retreat hi neiin, chawhma hun leh chawhnu hunah thenin Mission Director chu Resource personah hman ani a, Inrinni zan leh Pathianni zing leh pathianni zanah te Pathian biak Inkhawm neiin Pathianni chawhnu-ah inpawlhona programme buatsaih a ni bawk. Inpawlhona leh Inkhawm-ah te hian Special Item hrang hrang a awm thin a ni.  He hunah hian Aizawl Area huam chhunga Bru Mission a thawktu te an kal tha-in hlawk thlak an ti hle.

Tunkar Thawhtanni, December 12, 2022 khan Nau Hnuchham enkawlna In, Baptist Church Orphanage (BCO) chuan Naupangte leh thawktute pualin Pathian hnena lawmthusawina Inkhawm (Thanks Giving Seremony) an hmang.

Tunkar Thawhlehni, December 13 khan BCM Administrative Committee ruahmanna-in BCM Charity Fund atan ‘Christmas Charity Programme’, BCM Hall, Headquarters Office, Serkawn-ah hman a ni a. Lunglei khaw chhunga Tualchhung Kohhran te, Bial aiawh te leh mimal thahnemngai te sawm an nih angin mi thahnem tak an tel a ni.

Tunkar Thawhlehni, December 13, 2022 khan Canadian Baptist Ministry (CBM) leh R &D te thawhhona-in Skill Development Training zo mi 13 pualin R&D Training Centre, Ramzotlang-ah Graduation Day hman a ni a. ,  Rev. L. Vanlalsanga, Director, R&D chu khuallian-ah hman a ni.

Tunkar Thawhtanni, December 12, 2022 chawhnu dar 02:00 khan November.26,2022 a chatuan ram pan ta, Missionary Pu Lalfamkima Sailo Jarkhan chu BCM Workers Condolence Scheme (WCS) ten an chenna Rev. LB. Khawpuimawia In Tlangnuam ah ralna hun an hmang. Ralna Programme hi Rev. R. Lalrintluang ES Aizawl in kaihhruaiin Thuchah tawi Rev. C. Vanlaldika Principal AICS hnen atangin ngaithlin, Rev. T. Lalawia Luangmual Bialtu Pastor in tawngtaisakna neiin BCM Aiawhin Rev. R. Lalrintluanga ES AIzawl in ralna thil pek pe in, Workers Condolence Scheme (WCS) aiawhin Rev. K. Lalbiakchhawnan a hlan bawk a ni. Chhungkaw aiawhin Rev. LB. Khawpuimawian thusawina neiin, Rev. T. Lalsangvuna Central Bialtu Pastor in Malsawmna in ralna programme a khar.

December 9-11 2022 chhung khan, MAO Baptist Women Fellopship Inkhawmpui chu Asufu Christian Institute, Mao Gate, Manipur-ah neih a ni a, Inkhawmpui thupui-ah Maicham-a mei chu a mit tur a ni lo (Lev. 6:12) hman a ni. He Inkhawmpui-ah hian BCM aiawh leh Zaipawl tir tura an rawn ngen angin Rev. Ngursailov hovin Aizawl Area Baptist Choir te tirh an ni. Zaipawl te hian Inkhawm apiangin hla pahnih an nei thin a, Rev. Ngursailova pawhin BCM aiawhin Chibaibukna leh report tlangpui a sawi bawk.

Pathianni kal ta, December 11, 2022  khan Baptist Maltipurpose Centre, Falkland-ah Aizawl Area Baptist Mipa Pawl Fellowship chu tluang taka neih niin, Aizawl Area BMP member 150 vel an kal khawm a.

December 10, 2022 (Inrinni) khan Zobawk Tlawnghnar-a MṬKP Youth Centre hmun hlanna leh sam fai hnatlang neih a ni a, MṬKP hruaitute, Lunglei khawpui chhunga Bial hrang hrang hruaitute, Aizawl Area ṬKP Coordination Committee hruaitute bakah Zobawk North Bial, Zobawk South Bial leh Hrangchalkawn Bial ṬKP memberte an vaiin mi 116 an thawk chhuak a ni.

Tunkar Ningani, December 8, 2022 khan Chhawmawlna In, Melte kum 25 tlinna (Silver Jubilee) lawmna Administrative Building, Chhawmdawlna in tualah neih a ni a. Silver Jubilee lawmna-ah hian Chhawmawlna Ina thawktute leh enkawl mek te bakah MBKHP hruaitute, BCM Headquarters hruaitute, BHKP Unit tin aiawh te leh sawm bik mi thehnem tak an tel a ni.

Jubilee Bible School-in Graduation Service an hmang December 6, 2022 (Thawhlehni) chawhnu dar 01:00 khan Jubilee Bible School, chuan BCM Biak in, Ramzotlang, Serkawn – ah Zirlai chhuak turte Certificate hlanna leh thlahna Inkhawm, Graduation Service an hmang a. General Secretary Rev. R. Lalbiakliana chu khuallian-ah hman a ni.

Tunkar Thawhlehni, December 7, 2022 khan Baptist English School, Serkawn chuan a thawhkhatna atan Calss VII leh VIII naupangte zingah Drugs awareness Campaign an buatsaih a. Resource Person-ah Rev. Lalremsiama Fanai, Councellor, Chhawmdawlna In an hmang.

Missionary K. Lalzuimawia nupui, Pi. K. Zonunpuii ropui taka thlahliam a ni. BCM Missionary, Arunachal East Field –a kan Missionary Pu K. Lalzuia nupui,  Pi K. Zonunpuii chu December 6, 2022 zing dar 4:30 khan Cancer natna avangin an thawhna hmun, Arunachal-ah a boral a, A ruang hi Mizoram lamah phurh thlak niin. December 8, 2022 chhun dar 12:00 khan vui a ni a, Rahsiveng  Tlangnuam-ah ropui taka thlah liam a ni.

Mission Board Meeting thu angin, Mission Department chuan heng a hnuaiatarlan missionary te hi an awmna tur a siam fel a. An thawhna tura ruat ah hian January, 2023  ral hma ngeia zawm tura hriattir an ni. Tun tum ah hian JBS a Training zo mi 4 leh Missionary atana lak thar mi 9 te bakah midang pahnih, an vaiin mi 15 Posting siam thar an ni a, chungte chu -

Mission Board Meeting thu angin, Mission Department chuan heng a hnuaiatarlan missionary te hi an awmna tur a siam fel a. An thawhna tura ruat ah hian January, 2023  ral hma ngeia zawm tura hriattir an ni. Tun tum ah hian JBS a Training zo mi 4 leh Missionary atana lak thar mi 9 te bakah midang pahnih, an vaiin mi 15 Posting siam thar an ni a, chungte chu -

Mission Board-in Missionary atana a lak thar mi 9 te chu tunkar, Thawhtanni atanga Zirtawpni (December 4-9) chhung khan BCM Headquarters Office, Serkawn-ah missionary kal tura buatsaihna leh kawhhmuhna (Missionary Orientation) neihpui an ni a. BCM puipate bakah Headquarters-a Department hotute leh Mission lam enkawltuten Orientation hi an neihpui a ni.