Tunkar Nilaini, December 7, 2022 khan Relief & Development Department enkawlna hnuaia ‘Youth Skill Training Centre’-a Puanthui zir chhuak te pualin R&D Training Centre, Ramzotlang, Serkawn-ah Graduation Service hman a ni a. Punthui zir chhuak mi 9 te hnenah Certificate leh Puanthui Khawl hlan a ni.

Tunkar Thawhlehni, December 6, 2022 zan khan BCM Biak In, Model, Hnahthial-ah Krismas Urlawkna programme hman a ni a. Hnahthial Pastor bial pathuam huam chhunga bial zaipawl leh tualchhung kohhran zaipawl te kalkhawm in he hun hi hman a ni.

December 3, 2022 (Inrinni) chawhnu dar 2:00 khan JH Lorrain Hall-ah 2022-2024 chhung atana Worship Committee leh Media Committee Lawngtlai Area hruaitu inthlanna neih a ni a. Inthlan hi Rev. K. Laldosanga, Chairman Area Development Working Committee Lawngtlai-in kaihruaiin, Committee kaltlanga kan koa rawngbawlna awmte Pathian chakna ringa hlen ṭhin turin kalkhawmte a fuih a, inthlanna neih chhunzawm a ni. Inthlan zawhah hruaitu hluite leh tharte charge inhlanna neih zui a ni a, chumi hnuin Rev. Dr H. Lalthlamuana, ES Lawngtlai-in fuihna thu tawi sawiin, Rev. Lalzarliana Khiangte, Vice Chairman, Area Development Working Committee a ṭawngṭai a, hun tihtawp niin chawhlui kilho nghal a ni.

Karhmasa Inrinni, December 3, 2022 chawhnu dar 1:00 khan Worship Department buatsaihin BCM Hall, Serkawn-ah BCM Choir Batch hmasa ber, 1989 – 1991 Batch atanga 2019-2022 Batch te pualin BCM Choir Meet neih a ni a. Batch tin atangin an rawn tel  theih bakah hla an rawn rem thei vek a ni.

Karhmasa Inrinni, December 3, 2022 chawhnu dar 1:00 khan Worship Department buatsaihin BCM Hall, Serkawn-ah BCM Choir Batch hmasa ber, 1989 – 1991 Batch atanga 2019-2022 Batch te pualin BCM Choir Meet neih a ni a. Batch tin atangin an rawn tel  theih bakah hla an rawn rem thei vek a ni.

Karhmasa Zirtawpni, (December 2, 2022) zan khan Worship Department buatsaihin Krismas Urlawk Programme, BCM Hall, Serkawn-ah neih a ni a. Tv. Lalrinmuana leh Nl. Pc. Lalsiamthari  ten an kaihruai a, Rev. Dr. Lalzarliana, Director, Communications Department-in Pathian hnena inkawltirna hun hmangin, BCM Serkawn Worship Team ten zai an hruai a, Rev. R. Lalbiakliana, General Secretary-in thuchah tawi sawiin, Rev. ZD Rodingliana, Director, Worship Department-in Chibaibukna leh lawmthusawina a nei a, Rev. H. Lalfakzuala, Secretary, MBMP-in Malsawm tawngtaiin Krismas Urlawk Inkhawm a khar.

December 2, 2022 (Zirtawpni) chawhma dar 10:30 khan Sap Upa leh Pu Buanga Hall, Serkawn-ah Assembly Nomination Committee Meeting neih a ni a.  Meeting hi President Rev. Dr. R Zolawma’n kaihruaiin, Rev. R. Lalbiakliana, General Seretary-in report tlangpui a pe

Tunkar Ningani zan, December 2, 2022 khan Mizo Theologgical Association(MTA) buatsaihin BCM Biak In, Chanmari, Lungleiah Unity Carol Service neih a ni a. He hunah hian Lunglei khaw chhunga Kohhran Pawl hrang hrang memberte mi 800 chuang an kalkhawm.

Tunkar Nilaini, November 30, 2022 khan Finance & Pension Committee meeting Sap Upa leh Pu Buanga Hall, Serkawn-ah neih a ni a, Committee hi President, Rev. Dr. R. Zolawma’n a kaihruai a, General Secretary Rev. R. Lalbiakliana’n BCM sum dinhmun  report pe-in thu ngaihtuah tura chhawpchhuah te tarlangin a sawifiah bawk.

December 1, 2022 (Nilaini) khan Relief & Development Department thawktute -  Director Rev. L. Vanlalsanga hovin, Senior Coordinator- Pu Lalrinawma leh Asst.Coordinator Nl. T. Lalfawnveli te, Diver Pu Lalawmpuia te chu Bangladesh atanga Raltlan, Parva-II-a awmhmun khuar te chhawmdawlna pe-in an kal a. R&D hotute hian Raltlante chu an awmnaah kalchilhin Cheng 30,000/- man an mamawh hrang hrang leh leh tangka fai cheng 20,000/- Raltlante pual hian an hlan a ni. Director chuan thuchah tawi sawiin, ringtute chu harsatna hmunah pawh chhel taka tuar tur leh Pathiana rinna vuan talt turin a fuih a, BCM pawhin a ngaihsakin a vil reng dawn a ni tiin raltlante thlamuanna thu a sawi a ni.

Naktuk Pathian Ni, December 4, 2022 hi khawvel huapa Kristiante Ni Pawimawh “Bible Sunday” a ni a, Mizoram Baptist Kohhran pawhin he Ni hi urhsun takin a hmang thin a,  Tualchhung Kohhran tinah Pathian Thu hlutna leh pawimawhna te, Bible chanchin leh Pathian thu zirna Sunday School pawimawhna te inzirtir nan hman thin a ni. Kumin Bible Sunday-ah hian kum dang angin Headquarters atangin thupui thlan sa a awm lo va, Bible Sunday puala thuchah chhiar tur Nipawimawh Programme-ah tarlan a ni.

November 25-27, 2022 chhung khan Likabali Town Baptist Church ah ABCC youth conference vawi 5 na neih a ni. Conference Thupui-ah.  ‘Bear the yoke of youth’ (Tah hla 3:27) thu hman a ni a, Speaker pahnih - Rev Tugaso Manyu. General Secretary, ABCC leh Mr. Bamin Lailang ten thuchah an in sawichhawk thin a ni.  Inkhawmpuiah hian Zaipawl intihsiak leh Lam intihsiak te neih a ni a, Inrinni-ah ABCC Rorelna neih a ni bawk.

November 25-27, 2022 chhung khan North Bank Baptist Council Youth Department buatsaihin Ṭhalai inkhawmpui vawi hnihna, kumthum dana neih thin “North Bank Baptist Council Youth Congress” chu Kahibari Baptist church, Udalguri Assamah  neih a ni a. He Inkhawmpui-ah hian Speaker pahnih – Rev. K. lalbiakenga, Principal, JBS leh Rev. Chawaram Osimari, General Secretary, NBBC te hman an ni a, thupuiah “Christian Citizen” tih thu hman a ni.

Academy of Integrated Christian Studies (AICS) a BD leh M. Div zirlaite chuan field education nei in November ni 15 atang khan hmun hrang hrangah an kal a, November 30 thleng a awh ang.  Field Eduction atan hian First Year zirlai te chu social Centre hrang hrang ah kal in, Centre enkawl tute kaihhruaina in a tul anga rawngbawl hna an thawk

November 29, 2022 Chawhma dar 10:00 khan kum 2023 BCM Calendar leh Diary chu BCM Hall, Serkawnah Rev. R. Lalnunzira, AGS-Service-in a tlangzarh. Tlangzarhna hun tawi ah hian Rev. Dr. Lalzarliana, Director, Communications Department-in Calendar leh Diary buatsaih dan tlangpui a sawi bawk.