Director, Medical & Health Department report in a tarlan danin- March 2023 chhungin Christian Hospital Serkawn-ah damlo 1686 in entirin, an zinga 293 admit an ni a, nau piang 31 an awm lai in mitthi 15 an nei thung. Mi 72 zai an ni a, an zinga 39 chu Zai pui (Major Operation) an ni. Laboratory-ah mi 1658 exam an ni a, mi 235 X Ray-in dam lo te hnenah thisen unit 42 pek a ni.
March thla chhung khan Hospital Poor Patient Fund atan nuai 1, sang 9 leh 744 (Rs. 1,09,744) mi thahnemngaite, pawlho leh Kohhran hote atangin dawn a ni a, hei bakah hian Pi Lalduhawmi Khiangte, Rahsiveng hnen atangin Christian Hospital Serkawn Centenary lawmpuina Rs. 1000/- an dawng a, Pu RL Tawnga tu leh fate hnen atangin Portable Ventilator leh Suction Machine bakah puan 10 an dawng a, BMP Mualbu Unit ten Hmunphiah tam tham tak an pe a. Rhyno Youth Club hnen atangin, an pawl ‘Pearl Jubilee’ hriatreng nan Hospital mamawha hman turin cheng 20,000/- an dawng bawk.
March thla chhung hian hetiang hian Bial TKP pathumin Thisen an pe:-
- TKP Hnahthial Bazar Pastor Bial-in Unit 34
- TKP Serte Pastor Bial-in Unit 37
- TKP Hauruang Pastor Bial-in unit 12
March 30 leh 31 khan Eye Care, Aizawl nena tangkawpin, Vision Centre, Christian Hospital, Serkawn-ah Eye Camp buatsaih a ni a. Mi 95 in entirin mi 22 zai an ni.
