May 19, 2023, Zirtawpni khan Mizorama Kohhran hrang hrang te inthlunkhawmna- Council of Churches in Mizoram dinna tura inrawnkhawmna chu Booth Mansion Hall, The Salvation Army Territorial Headquarters, Tuikual, Aizawl-ah an thu khawm a. Kohhran pawl hrang hrang - Presbyterian Church of India (Mizoram Synod), Evangelical Churches of Maraland, The Salvation Army, Lairam Isua Krista Baptist Kohhran leh Baptist Church of Mizoram aiawh te kalkhawmin, BCM aiawh-in President -Rev. KV Thanga, General Secretary – Rev. R. Lalbiakliana, AGS Service – Rev. R. Lalnunzira, Statistician – Upa C. Hrangdula, Executive Secretary – Rev. R. Lalrintluanga, Administrative Officer – Pu Lalruatkima, Upa Pc Liankhama, BCM Kikawn leh Upa F. Aizama, BCM Rahsiveng te an tel a ni.

North East India Christian Council Youth Assembly (NEICCYA) Biennial Conference vawi-19 na chu ni 19 - 21 May, 2023 chhung khan PCI Durtlang Kohhran Biak In ah neih a ni a. Thupui atan “Intihsiakna tha chu bei in” (I Timothy 6:12) tih thu hman a ni.

Rev. Vanlalhruaia Khiangte, Assistant Professor, Academy of Integrated Christian Studies chuan Vrije University, Amsterdam, Netherland atangin History of Christianity ah Doctor of Philosophy (Ph.D) Degree nikum lam khan a zo a. A theisis title hi ‘Baptist Ecclesiology in Mizoram and Nagaland: An Equiry into its Historical Developments from an Ecumenical Perspective’ tih a ni.

May 16, 2023 (Thawhlehni) khan United Nations International Children's Emergency Fund  (UNICEF) meeting, Aizawl-a neih-ah Rev. L. Vanlalsanga, Director Relief & Development Department a tel a. Meeting hi CYMA run Aizawlah neih niin Aizawl District-a khawthlang hruaitu te leh Kohhran aiawh theuhte an tel a ni.

Ni 17.May.2023 khan Aizawl Area Development Working Committee Meeting Vawi 111-na BMC Falkland-ah neih a ni a, member 12 an kal. Chairman Rev. C. Lalhungliana'n meeting kaihruaiin, Rev. R. Lalrintluanga Secretary hnen atangin report ngaihthlak niin, Zuangtui Vengthar Biak In hmun tur Rs.39,50,000/- leh Hrianghmun Biak In hmun Rs. 500,000/- in lei fel a nih thu te

May 14, 2023 (Pathianni) khan TKP, Kolasib Pastor Bial chuan BCM Biak In, Kawnpuiah, Bial huap Leadership Training an buatsaih a. Resource person-ah Rev. Joe Laldinpuia, Bialtu pastor hman a ni a. Training hi Aizawl Area ṬKP Coordination Committee hruaitute - Chairman, Pu Lalhmunsiama Pautu leh Vice Chairman Pu FC Lalchhuanawma te bakah Executive Committee member te - Tv. Vanlalruata, Nl. Lalruatfeli leh Tv. Lalfelkima, Area Media Cell Comm Member ten an hmanpui.

May 15, 2023 (Thawhtanni) khan kum 2022-2023 chhunga MTKP Inkhawmpui 2025 dawltu tanpuina atana member tina Rs. 20 khawn tlingkhawm Rs. 7,72,440 chu MTKP Office Bearers ten Lunglawn Bial TKP hruaitu te hnenah an hlan a. Lunglawn Bial hruaitute leh TKP hruaituten an lo dawngsawng a ni.

May ni 14, 2023 Pathian Ni chawhnu khan ṬKP Republic Vengthlang Pastor Bial leh NIELIT hmalakna in Ṭhalai Kristian Pawl, Bethlehem Vengthlang Unit-ah "Cyber Security & IT Act" tih thupui hmangin Cyber Crime Awareness Campaign neih a ni

Rev. R. Lalnunzira AGS (Service) Resource person-a hmangin Hnahthial Bazar Pastor Bial chuan May 13, 2023 (Inrnni) khan BCM Biak In, Bethel Hnahthial ah Bial Chhung Upa leh Rawngbawltute pualin Seminar an buatsaih a. Bial chhunga Kohhran Upa leh rawngbawltu mi 45 an kal. Seminar-ah hian Kohhran humhalh leh Enkawl tih thupuia hmangin Resource Person-in paper a buatsaih chu zir ho a ni a. Sawihona hun tha tak neih a ni bawk.

May ni 13, 2023 (inrinni) khan MṬKP Executive Committee Meeting vawi 542-na chu Sap Upa leh Pu Buanga Hall, Serkawnah neih a ni a, Upa R.Lalrochama, President in Meeting kaihruaiin, Rev.F.Zorinkhuma Secretary-in report tlangpui pein rawngbawlna hmachhawp hrang hrangte a tarlang nghal a.  Nl. J.Lalrintluangi, Treasurer hnen atangin MTKP sum dinhmun tlangpui ngaihthlak a ni bawk.

Fellowship Department committee chuan Mizoram pum huap Kristian Naupang Pawl te tan Lemchan tawi intihsiak buatsaih a rel a. Ruahmanna siam turin Lemchan tawi sub-committee dinin, Sub-committee chuan Lemchan tawi intihsiak chungchanga ruahmanna hetiang hian a siam a, KNP Unit te he lemchan intihsiaknaah hian a tam thei ang ber tel turin an sawm nghal a ni.

May 13 leh 14 hmang khan Asia Pacific Baptist Federation General Secretary Rev. Dr. Vasekhoyi ‘Vee’ Tetseo leh a nupui Rev. Ai-Nohara te chuan BCM Headquaters, Serkawn an rawn tlawh a. General Secretary leh hotu dang ten lo dawngsawng in, Pathianni zing-ah Ramzotlang Kohhrana-ah  Inkhawmin, chibaibukna leh thuchah a sawi a, chawhnu lamah BCM Office Committee Room-ah Kohhran hruaitute nen inkawmhona neiin, zanriah an kilpui nghal.

Tunkar Thawhtanni, May 15, 2023 khan Cyclone Mocha siper tlehin BCM Biak In, Thaizawl leh Bualte a tih chhiat leh Thaizawl-a Raltlante awmna camp a tih chhiat te tlawhin  Relief & Development Department thawktu te – Rev. L. Vanlalsanga, Director, Pu Lalrinawma, Coordinator, Nl. T. Lalfawnveli, Asst Coordinator leh Pu Lalrinkima Project Accountant te chu a hmunah an kal

Mizoram Board of School Education in 2023 HSLC Examination result May 11, 2023-a a tihchhuah takah Baptist Higher Secondary School, Serkawn atanga exam beitu zirlai 136 atangin mi 114 ten hlawhtlinna changin pass percentage hi 83.83 niin, Passed te hi Distinction-ah mi – 9, First Division mi – 32, Second Dvision-ah mi – 53 leh Third Division mi – 20 an ni.

May 10, 2023 (Nilaini) dar 12:00 khan JH Lorrain Hall, Baptist House, Lawngtlai Bazar-ah Lawngtlai Area Development Committee Meeting neih a ni a, Meeting-ah hian Lawngtlai Area chhunga pastor bial hrang hrang pastor-te bakah Lawngtlai East, North, South, Diltlang South, Siaha East leh West bial aṭangtein an tel a, General Secretary Rev. R. Lalbiakliana leh Pastoral Ministry Department Director Rev. Vanlalmuankima te'n an telpui a ni.