February 13-16, 2025 chhunga Lunglawn mual, Lunglei-a neih tur Mizoram Thalai Kristian Pawl (MTKP) inkhawmpui vawi 48-na atana pandal sak hnatlang an kalpui mek zel. Inkhawmpui pandal structure hi BCM Hqrs-ta, Alluminium alloy structure Rs nuai 150 man hman a ni. Structure awm sa hi an duh aia a tet deuh avangin tihzauh belh tura ruahman a niin, Inkhawmpui pandalah hian mi Sangriat Atanga mi sangkua (8000-9000) vel leng tura beisei a ni. Inkhawmpui pandal zau zawng hi a dung ft 230 leh avang ft 184 tura duan a ni. Tunah hian Pandal hi pum thawkhat tawhin, Pandal extension hi Ceilling siam tur a ruahman a ni bawk. Committee peng hrang hrangte pawn chak takin hma an la chho mek zel bawk.

Pu R. Lalhlimpuia BCM Headquarters office-a UDC thawk lai chu January ni 21 2025 khan Ropui takin Serkawn Thlanualah Vuiliam a ni ta. Pu R Lalhlimpuia hi Upa Hrangkunga leh Pi Zatluangi Hrahsel te fa 8 zinga a naupangber niin 1972 May 29 khan Pangzawl khuaa sawikhawm laiin Lungmawi khaw awm khawmna, Keithah vengah a lo pianga. 1995 khan BCM Headquartes office Serkawnah Peon hna a thawk tana, hnathawk chunga College kalin, BA a zawh hnu July nikhat kum 2000 khan ( 1.7.2000) LDC-ah dah a ni ta a ni. Hna thawk chung bawkin Industries Department Lunglei hnuaiah Computer ‘O’ level a zo leh a, BCM in Computer kan hman tan lai vela hetiang lam thiamna nei hmasa a lo ni bawk a, Office a thawhpuite tan a tangkai em em a, a tulna in a nawr nen, Computer zirna ‘ A hand book of MICROSOFT WORD ( Ms Word User Guide book)’ tih chu a tichhuak a, mi tam

Vawiin ni 18.jan.2025 Inrinni hian B.C.M. Tlangnuam, Lunglawn chu hawn a ni ta. Hemi rual vek hian BIAK In thar pawh hawn nghal a ni. A hawngtu Rev.Dr.R.Lalbiakliana General Secretary BCM a ni. A hawnnaah hian Lunglei khawpui chhunga Bialtu Pastor zawng zawng leh Pro Pastor zawng zawng te sawm an ni a. ABC puipa leh Bial puipa leh Bial chhunga Kohhran zawng zawng te telpui tura sawm vek an ni a, mi thahnem takten min rawn telpui thei bawk a ni. Sawi hmaih hauh loh tur zingah Lunglawn lo Bialtu Pastor te leh Pro Pastor lo ni tawhte sawm vek an ni a, Rawngbawlna sang zawk chelh ta, Rev.Lalhmingchhuanga Jongte nupui fanaute pawh sawm tel an ni bawk.

January 17, 2025 Chawhnu dar 3:00Pm khan Baptist higher Secondary School Science Block chu Rev Dr.R. Lalbiaklianan hawng. He hawnna in khawm hi Upa R. Lalhmingmuana Principal BHSS, in kai hruaiin, Kalkhawmte lawmna leh Pathian hnena inkawltirna a neih hnuin, Upa Er. Victor Lalrinawma Sailo Director, Property department in Technical report pein, BHSS Academic Block-II sak hna hi a tir lamah School lamin enkawl in 2018 a tan a ni a. Sum harsatna vangin hun rei tak chawlhsan a nih hnuah Kum 2021 atangin BCM Property Department kut ah dah niin theih ang angina hmalak chhoh nghal a ni.

Tunkar January 13 & 14 ( Thawhtan leh Thawhleh) ni khan Baptist English School, Serkawn, Lunglei te chuan Jonathan Lianhna Speaker-a hmangin BCM Biak In, Serkawn-ah Gospel Meeting an nei.

January 16, 2025 (ningani) Chawhnu dar 3:00Pm khan BCM Committee Meeting Room 1-ah neih a ni. Meeting hi Rev. Dr. Lalzarliana Director, Communication Department-in a kai hruaiin, Pathian hnenah in kawltirna neih anih hnuin MINGO HNUHNUNG Film tlangzarhna hmun hrang hrang : Headquarter Area, Aizawl Area leh Lawngtlai Area te atangin Report tlangpui ngaihthlak a ni. Meeting ah hian Sub- Committee member te bakah Head of Department thenkhatte an tel bawk a, Mingo hnuhnung film atanga Pathian pawlna an dawn te leh a entu te lam atanga hlawkna an chan thenkhatte ngaihthlak anih hnuah, Rev. R. Lalnunzira AGS-Service in Pathian hnenah tawngtaiin Meeting a khar a ni.

January 14, 2025 ( Thawhlehni) khan Relief & Development hnuaia Skill training hrang hrang a zirtur lak a ni. He Skill training hnuai ah hian - Puan thuizir tur mi 18, Computer Course ah mi 3, Baking zirtur mi 3 leh Beautician zirtur mi 5 lak an ni.

Dt.13.1.2025 (Thawnṭan) zan khan BCM Hall, Headquarters Office, Serkawn-ah, MṬKP Inkhawmpui 2025 Theme Song 'Pathian hnaih' tih chu Pathian hnena hlanna leh tlangzarhna inkhawm neih a ni.

Kum 2019 Mizoram Baptist Kohhran rorelna sang ber BCM Assembly Vawi 123-na BCM Biak In Venglaia a neih chuan, “Mizorama Chanchin tha lo thlen dan documentary film buatsaih ni se, Communications Department in lo bawhzui se” ti a a rel ang in, kum 2019 May ni 13-ah Communications Department Committee chuan rel zuiin a tihhlawhtlin dan tur ngaihtuah nghal a ni. Kum 2020 July thla khan ‘Documentary Sub-Committee’ din nghalin, ruahmanna hrang hrang te siam ani a, Communications Department Committee ah thlirho leh niin, hmalak chhoh a nih dawn lai takin kan ramah hripui covid-19 hrileng avangin engmah tih theih leh hmalak theih loh in a awm ta a ni.

Fellowship Department – in Planning-a an dah leh ruahmanna an siam angin, BCM-a Area hrang hrang – Aizawl, lawngtlai leh Headquarters Area-ah te Winter Camp neih a ni a, Headquarters Area-ah January ni 6 leh ni 7 (Thawhtan leh Thawhlehni) khan KNP Winter camp chu HATIM kawmzawlah neih a ni.. Thawhtan zan leh Thawhleh zan riakin January 8,2025 (Nilaini) khan an chhuak a. He Winter Camp hi Lunglei khawpui chhunga KNP Unit-te tana buatsaih a nih angin, unit 21 atangin member 180 chuang an tel thei a ni.

January 11, 2025 hi Mizoram-a Missionary hmasa ber lo thlen champha phak vawi 131-na “Missionary day’ a ni a. Kumin Missionary Day thupui atan hian “ Lalpan thilropui takte min tihsaka, Sam 126:3” tih thu hman a ni. He ni hi rampumah hman a nih theh nan Mizoram sawrkar chuan sawrkar chawlh (State Holiday) atan a puang thin a, Kuminah pawh sawrkar chawlh-ah puangin kohhran hrang hrang ten awmni khamin ruai nen hun an hmang a ni.

Mizoram Baptist kohhrana thawktu te chuan January 8, 2025 (Nilaini) chawhma dar 11;30 khan In hlan tharna hun an hmang. Lunglei-ah chuan Headquarters Office, Serkawn leh Lunglei khawpui chhunga kohhran zirna in leh Office hrang hranga thawktute puala inhlantharna hi BCM Hall Serkawn-ah an nei a, Upa Dr. Lalramzauva, Directo,r Medical & Health Department-in inkhawm a kai hruaia, Pi C. Lalawmpuii, Principal, BES Serkawn in Pathian thu chhiarin tawngtaina a neih hnu ah General Secretary Rev.Dr. R. Lalbiaklianan thawktute lawmna leh chibai bukna sawiin, BCM dinhmun leh hmalakna tlangpui a tarlang bawk.

January 7.2025 (Thawhlehni) ni khan Mizoram Baptist kohhran chuan kumthar atan Office kai ni hmasa ber hmangin Office an hawng tan leh ta. BCM Thawktu hmun hrang hranga Christmas leh kumthar hmanga zin chhuakte leh mahni hmun lama haw te pawhin Office kai ni hmasa ber hi ngai pawimawhin an rawn haw kim thei vek a, thawktute zingah damlohna avanga kal thei lo Duty pawimawha kalte tih loh chu Office an kai tha hle.

Mizoram Baptist Kohhran hnuaia thawktu Department hrang hrang-a nitin Office kal te chuan December ni 18, 2024(Nilaini) atangin Krismas leh Kumthar chawlh an hmang tan dawn a. Hemi chhung hian Headquarters Office, Executive Secretary Office, Lawngtlai leh Aizawl te, Institution leh Department Office dang te chu khar a ni ang. Chutih laiin, Hospital lam te, ChhawmAwlna In te, Centre leh Homes te chu anmahni inenkawlna tibuai lovin Department hotute ruahmanna siamin a tul angin Office an la kai ang a, Duty leh hna kallai pawh a pangngaiin an kalpui zel dawn a ni. BCM Calendar-a tarlan angin, Kumthar January ni 7, 2025 (Thawhlehni)-ah Office hawng lehin, January ni 8, 2025 (Nilaini) ah thawktute inhlantharna Programme hman a ni ang.

NAAC (National Assessment and Accreditation) Council, India rama college tha tehna pawimawh ber pakhat ani. HATIM hi Mizorama Non-governmental college zirna in zinga NAAC endikna hmachhawn thei hmasa ber an ni.