Rev.H. Killuiaia Kum 87- chu July 11, 2025 (zirtawpni) zinglam Dar 1:00 khan Trinity Hospital, Aizawlah a boral.Rev.H. Killuaia hi August 20,1939-ah Chawnhu khuaah a pianga, a pa hi Mangsaia a ni a, A nu hi Lawngdawhi a ni. Unau Mipa 13 leh Hmeichhia 3 an ni a, Rev. H. Killuiaia hi Unau 16 zinga Pakua na a ni. A naupan lai aţanga naupang chak leh hrisel, huaisen tak, a thil tih tum tawh chu hlawhtlin ngei ngei tum mi a ni.

Tv. Zodingliana (Driver) Executive Secretary Office, Lawngtlai June 17, 2025 Zan Dar 6:20 a boral chu July 8, 2025 (Thawhlehni) chawhnu Dar 1:00 khan BCM Workers Condolence Scheme (WCS) hruaitute leh Lawngtlai Area-a BCM hnuaia thawktu te’n an chenna in Thingkah-ah ralna hun an hmang.

BWA Congress, tuna Brisbane Australia a neih mekah July 11, 2025 Zirtawpni khan Asia Pacific Baptist Federation term thar hruaitu thar turte puanzarna leh hlanna hun hman a ni a. APBF Chairman thar hi AK Lama (India) a ni a. Asia Pacific Baptist Youth (APBY) Chairman thar atan Upa Jacob Vanlaltana Khiangte s/o Lalthazuala Khiangte (L) Sethlun, Lunglei, (Vengthar, Kolasib a lawi mek) chu thlan a ni. Mizo zinga he dinhmun luah hmasaber tur hi a ni.

South Vanlaiphai Pastor Bial MBMP Inkhawmpui Organising Commttee-te chuan kum 2026-a MBMP Inkhawmpui an dawl tur inbuatsaihna hrang hrangte thlirin June 28, 2025 (Inrinni) khan South Vanlaiphai Pastor Bial Committee Room-ah Meeting an nei.

July ni 6, 2025 Pathianni hi Mizoram Baptist Kohhran Nipawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kumin Mission Sunday-ah hian thupui chu II Lelte 7:9 thu “Hawh u, lal chhungte I hrilh ang u” tih hman a ni ang. Mission Sunday-ah hian Kohhran hote Ramthim rawngbawlna lama intih chak tawnna tur leh Pathiam ram ţulna te in kawhhmuhna atan hman ţhin a ni a, kuminah pawh Bial leh Tualchhung Kohhran engemawzatin Mission Convention leh Mission Programme an buatsaih a ni.

Christian Medical College, Vellore, Council Meeting July 3 & 4, 2025 khan neih a ni a, BCM aiawhin Rev. Vanlalmuankima AGS-Service leh Upa Dr. B. Laldinliana, Director, Medical & Health Department Christian Hospital Serkawn te an kal.

BCM Assembly rorel thu passed bawhzuiin June 28 & 29, 2025 (Inrinni nileng leh Pathianni) khan Tuipui 'D' ah tleirual pualin ruihhlo do campaign neih a ni a. Resource person atan Rbt. FH .Lalengmawia chu hman ni.

June 28, 2025 (Inrinni) khan BCM Pukpui Biak In-ah Upa leh rawngbawltute bakah FD Executive Committee member chinte pualin “Kohhran humhalh” tih thupuia hmangin Seminar neih a ni. Resource person atan General Secretary Rev. Dr. H. Lalthlamuana chu hman a ni.

June 28-29, 2025 (Inrinni leh Pathianni) khan, kum tin session bul ţanna atana an tih thin ang in, AICS chuan Thlarau lama intuaitharna (retreat) an nei, 'Tirhchhuah Nihna" (Being Missional) tih hmangin speaker Pastor Joy Singh, Delhi Bible Fellowship in Pathian thuchah a sawi.

July 7-12, 2025 (Thawhtanni atanga Inrinni) chhung hian Baptist World Alliance General Council Meeting Brisbane, Autralia-a neih turah Rev. Dr. C. Vanlaldika - President , Rev. Dr. H. Lalthlamuana -General Secretary, te chuan tunkar July 5, 2025 Inrinni hian BCM Headquarters an chhuahsan ang.

BCM Choir 2025-2028 lak fel ani ta. Vawin 28/06/2025 Inrinni hian BCM Worship Committee chuan 2025-2028 chhung atan BCM Choir member 22 te ala thar a. Audition leh Interview hi Pi Dari Hall, BCM Bazar Lunglei ah neih ani. July 13, 2025 Pathianni zing Inkhawmah lakluhna Induction Service BCM Biak In Rahsiveng , Lunglei ah neih ani ang. Conductor atan Pu. Lalrinmawia Ralte, BCM Rahsiveng lak tawh ani bawk.

June 25, 2025 (Nilaini) khan BCM Sabualtlang kohhran aţangin mi pali te chuan BCM hmun pawimawh, BCM Headquarters Office, Serkawn, Jubilee Bible School, Baptist Church Orphanage leh Book room-te an tlawh. BCM Sabualtlang hi Kum 2023-ah din niin, tunah hian kohhran member 138 an awm mek a ni.

June 24-27, 2025 chhung khan chakma Bible Read and Review Committee meeting neih a ni. Ezekiela lehkhabu lehlin tawh sa chu endik a ni ang. Hei hi Read and Review Committee meeting-in endik tur an neih hnuhnung ber a ni tawh a ni.

June 25, 2025 ( Nilaini) Chawhnu Dar 1:00 khan BCM Headquater Office Sap Upa leh Pu Buanga hall, Serkawnah Relief & Development Department hnuaia Youth skill Developement Project hnuaiah Ṭhalai te hmasawnna leh ei zawnna neih theihna a tan thiamna chi hrang hrang Puanthui, Beautician, Baking, Alluminium & Steel Fabrication, Computer, hnuaia zir te’n Graduation Day an hmang.

Mizoram University (MZU) hnuaia Undergraduate (UG) Final Result, End Semester Exam 2025 Ni 26 June, 2025 a chhuakah HATIM atanga final Semester zirlai te’n hlawhtlinna duhawm tak an chang.