July 30, 2025 (Nilaini) kha Ṭhalai Kristian Pawl (ṬKP) din champhaphak vawi 74-na a ni a, kumin ṬKP Day thupui chu “Danglam lo ringtu” (Jeremia 17:7-8) tih a ni. ṬKP Day hi kum tinin member te’n urhsun takin an hmang ţhin a. Unit tam zawk chuan zing karah Social Service tiin vantlang hmun leh Biak In leh a chhehvel te an tifai a. Unit thenkhat chuan Thlanmual tihfai leh Biak In hnatlan nan hun an hmang. Zan lamah MṬKP atanga programme duansa angin Unit tinah ṬKP Day lawmna Inkhawm urhsun takin an nei . ṬKP Day-ah hian MṬKP aţangin ţawngtai thupui duan sa angin ţawngtai rualna hun hman a ni bawk.

BCM Assembly 2025-in a lo rel tawh ‘Awmni khama ţawngţai’ tih bawhzuina kal zelah Administrative Committee chuan September 6, 2025 (Inrinni) hian neih nise, worship dept. in ţawngtai thupui pawh lo bawhzui se a tih angin tunah hian tualchhuang kohhran tinah tawngtai thupui thawn chhuah mek a ni.

July 30, 2025 (Nilaini) hi Ṭhalai Kristian Pawl (ṬKP) din champhaphak vawi 74-na a ni . Kumin ṬKP Day thupui chu “Danglam lo ringtu” (Jeremia 17:7-8) tih a ni ang. ṬKP Day hi kum tinin member te’n urhsun takin an hmang ţhin a. Unit tam zawk chuan zing karah Social Service tiin vantlang hmun leh Biak In leh a chhehvel te an tifai a. Zan lamah MṬKP atanga programme duansa angin Unit tinah ṬKP Day lawmna Inkhawm urhsun takin an nei ţhin a ni.

July 19-20, 2025 (Inrinni leh Pathiannni) khan ṬKP Electric Pastor Bial Lunglei te chuan plan-a an neih angin Bial Meet leh Sports hun an hmang. July 19, 2025 (Inrinni) chhunah K. Liantawna Hall-ah sports item hrang hrang hmangin inelna an nei a. Zan lamah BCM Biak In, Electric Vengah meet an hmang bawk. July ni 20, 2025 (Pathianni) nilengin meet hi an hmang chhunzawm a ni.

July 19, 2025 Inrinni khan AICS a zirtirtu thawklai te pualin Ni khat awh zirtirtu training (One Day Pedagogical Training) neih a ni a. AICS zirtirtute an kal kim hle.

BCM Edenthar, Serchhip Kohhranah Worship Committee leh Kohhran Committee buatsaihin July 17 - 20 chhung khan Worship Seminar leh Crusade chu hlawhtling taka neih ani. Speaker atan Rbt C. Lalnunpuia BCM Bazar veng, Lunglei chu hman niin ,Bazar Pastor Bial Zaipawl te’n an ţawiawm bawk .

MBKHP hruaitute chuan 2025 Planning a an lo dah MBKHP Drop-In Centre tlawh nise tia an lo dah angin, MBKHP hruaitute hi Group 4-ah in ţhenin, Group khatna hian an lo tlawh tawha, Group hnihna hian July 24, 2025 (Ningani) khan MBKHP Drop-In centre, Venglai, Lunglei hi an tlawh leh a ni.

Mizoram Baptist Mipa Pawl (MBMP) hruaitute chuan MBMP Inkhawmpui 2026 dawltu tur BMP, South Vanlaiphai bial chu July 20, 2025 Pathianni hmangin an tlawh.

July 25, 2024 (Zirtawpni) zing khan BCM Hall, Headquarters Office, Serkawn-ah kumin 2025-a Beirual Thuzir tur ‘Kohhran’ tih chu Rev. Dr. H. Lalthamuana General Secretary-in Pathian hnenah hlanin a tlangzarh.

July 15, 2025 (Nilaini) khan TB Mukt Bharat Abhiyan Campaign kalpui mekah CMO Lunglei District Staff-te chuan BCM Headquarters Office-ah thawktute tan Free Clinic an neih chilh.

July 11, 2025, (Zirtawpni) khan Mizoram Baptist Mipa Pawl Executive Committee meeting chu BCM Ramthar Kohhran Committee Room-ah neih a ni. Meeting-ah hian member-te an kal ṭha hle. Report hrang hrang, Secretary report, Treasurer report, Finance Secretary report leh Environment committee report te ngaihthlak a ni.

Financial Year liam ta, Kum 2024-2025 a BCM pawisa lut leh chhuak endik hna (Internal Audit) zawh fel a nih hnu-in Tunkar Thawhţanni, July 12, 2025 (Inrinniah) atang khan Statutory Auditors – Chartered Accountant, NC Das & Company, Guwahati-te chuan BCM hnuaia Account zawng zawng BCM Headquarters office, Serkawn Meeting room no 1-a Audit an neih chu, July 19, 2025 ( Inrinni) hian zawh fel tum a ni.

BCM Relief & Development Department 16th July, 2025-a thukhawm chuan Canadian Baptist Ministries Project hnuaia Field Facilitator hnathawktur a la thar a. 21st July, 2025 (Monday), Dar 11:00 AM-ah Director, Relief & Development Dept. hnenah Joining Report a pe ang.

Higher and Technical Institute, Mizoram (HATIM) chuan July 10, 2025 (Ningani) khan K. Liantawna Hall, Kawmzawlah Mizoram University hnuaia Under Graduate Examination 2025 a University Top 10 rank holders te chawimawina (Felicitation) Programme an hmang.

July 13, 2025 (Pathianni) hian BCM Choir (2025-2028) lakluh inkhawm (Induction Service) Rahsiveng Biak In-ah neih a ni dawn. He hun hi Rev. K. Lalnunsanga Director, Worship Dept. in a kai hruai anga,  BCM Choir (2022-2025) Kal chhuak te’n  zaia rawngbawlna hun an hmangin, Pi R. Zonunsangi’n BCM Choir kal chhuak tate thilpek hlanna hun a hmang nghal anga, Rev. Lalhmunsanga Director, Communications Department leh Rev. RC. Lalthanzama Director Education Department te’n kal chhuak tate thlahna thilpek hlanna hun an hmang ang.